بعثت الإعلامية سالي عبد السلام برسالة لجمهورها عبر حسابها بموقع الصور الشهير "إنستجرام" عبرت فيها عن حزنها الشديد بسبب الحسد الذي تتعرض له عبر صفحات السوشيال ميديا.

وقالت عبد السلام: "اصدمكم اكتر !!لكل حد كتب كومنت على راسى والله ..انا بقرأ الاذكار كل يوم!! مبفوتش فرض وبالسنن وقيام الليل الحمد لله ..المعوذات قبل ما انزل!!! القرأن والبخور كل يوم!! كل يوم والله..وبحلف!!".

وأضافت: "بس والله كدة كتير عليا! انا تعبت...عمرى ما كنت بركز فى الحسد بس مؤمنة بيه..مبركزش من كتر ما بتتقالى انتى محسودة والناس مركزة معاكى بزيادة؟!!! انا؟؟ طب ليه؟؟! يجوا يشوفوا الواقع..ولا حاجة بتكمل فى جميع النواحى الحمدلله".

وتابعت قائلة: "عمرى ما زعلت على شغل راح او جوازة او عربية او صحاب وببقى عارفة ان ده تركيز وناس بتتمنى زوال النعمة منك اعوذ بالله ربنا يديهم اضعاف اضعاف اللى بيفكروا بس فيه..لكن فى شعرى الاقيه كدة امبارح فجأة لا!!!! كدة كتير و قوق طاقتى يا ربى".

وواصلت قائلة: "لما الاقى جروبات كتير بتتكلم على شعرى وياترى ده اكستنشن ولا زفت والا ولا كلمة ماشاء الله او اللهم بارك كله غل او يقول ده مش شعرها، وانا اتبرع واحط صورى وانا صغيرة عشان اقولهم دى طيبعة شعر مش طريقة معينة للاهتمام عشان محدش يضحك عليكم بحسن نية للى بيسأله ويحصلى بعدها كدة.. فى شعرى ٣ مناطق مفيهاش شعراية!!".

واستكملت حديثها قائلة: " الاقى بوست زى ده معمولى اكتر من ٢٠٠ منشن فيه و على الواتس اب والماسنجر واقرب صحاب ليا زعلانين ويقولولى ربنا يستر عليكى بجد دول عينيهم وحشة هيحصل حاجة!!!! وانا اكبر واضحك...لا اهه حصل!!!".

واستطردت قائلة: " كدة كفاية والله..والله كفاية ! مفاضلش غير شوية الرضا وتقبل الدنيا اللى مخلينى قادرة اكمل..ابوس ايدكم بلاش دول كمان! ده مش هزار ممكن تأذى حد غصب عنك او نفسك و بتحصل فعلاً لازم تقول ماشاء الله او اللهم بارك وصفى نيتك!".

وتابعت: "السوشيال ميديا بجد ضيعتنا كلنا!! قالك بيكتبوا بوستات انجيلينا وبراد بيت مطلقوش ليه والناس هتحسدك انتى وهما مجرالهمش حاجة ويهزروا مع بعض كدة اهم اطلقوا!!!".

وأضافت: "ركز فى كل حاجة هزرت عليها !! حصلت... أعوذ بكلمات الله التامات من شر ما خلق.. أعوذ بكلمات الله التامة من كل شيطان وهامة ومن كل عين لامة".

واختتمت رسالتها قائلة: "ومستكترين عليا اعمل هاشتاج msa..والله يارينى كتبت وقلت وبعد كدة هقول فى وش اى حد واحرجه او حاسد هقوله وربنا لازم يردهالى اللى مبيضيعش عنده حق حد..الحمد لله".