علق الفنان عباس أبو الحسن على زواج  الفنانة جينيفر لوبيز وبن افليك، وذلك عبر حسابه الشخصي بموقع التواصل الاجتماعى "فيسبوك".

ونشر عباس أبو الحسن، صورة للفنانة جينيفر لوبيز وبن افليك، وعلق عليها: "توقفت عند الصورة دي وتأملتها.. في فرق 20 سنة بينهم، في 2002 هو في الصورة متوهج وعنيه بتلمع، ويبدو عنده خطة خاصة به، وغموض ساحر في هالته وهي شكلها عادي، مطفية وعينيها تايهة وتفتقد اليقين".

وتابع أبو الحسن: "بعد 20 سنة لما رجعوا لبعض واتجوزوا هتلاقي الآية اتعكست؛ اتنقل والسحر والغموض والتوهج راح عندها هي، وهو مطفي ونظرة استسلام وشك والهالة الساحرة اختفت، الحقيقة أن دي قصة الرجل والمرأة وتطورهم الطبيعي، مع الوقت تتحول الفتاة إلى امرأة بتنضج، وبتكتمل وبتدرك قوتها وكينونتها وتفردها وبيتقلص حجم الراجل في حياتها، لأنها بتفقسه وبتكتشف أنه في الآخر هيش على مافيش".

واختتم عباس أبو الحسن: "الشاب بيصبح رجل منهك، حيله مقطوع وتقلصت مخالبه، ونفسه مكروش، ومش قادر على التناطح مع كائن معدش بياكل من أونطة زمان، وزمان لما شفت أبويا وأمي وأزواج آخرين من الجيل بتاعهم، واللي حصل بينهم أدركت مُلخص عبقري للعلاقة بين الزوج والزوجة المصريين، وهي في أول 15 سنة الراجل الفحل بيعذب في الست المقهورة، والـ 15 سنة اللي بعدهم الست القوية بتنتقم من الراجل، اللي اتكشف وبان وبعدين يطلقوا ويبقوا زي الإخوات.. وعجبي".