هاجم المطرب أبو الليف، نقابة المهن الموسيقية، بسبب تخليها عنه بعد تعرضه إلى وعكة صحية، ودخوله العناية المركزة.

قال أبو الليف فى تصريحات تليفزيونية:"اتحمل مصاريف علاجي كاملة ولم احصل على أي رعاية طبية من نقابة المهن الموسيقية، مضيفا،حلو تاخد مني ضريبة على أي فرح أو أي حفلة، ولما أتعب ملاقيكش في ضهري، اشمعنا متقفوش جمبي وأنا مافيش شغل.

تابع أبو الليف:"حلمي عبد الباقي مش في إيديه الإمكانيات أنه يعمل لي حاجة، أنا معاشي 900 هيأكلولي عيالي إزاي؟ من مدارس وأكل وشرب، بقالي شهر مقدم الطلب لـسكرتير النقابة ووكيلها ومحدش بيرد عليا ولا يعبرني.

استكمل أبو الليف حديثه:"دخلت مؤخرًا العناية المركزة وعملت جراحة ودفعت 88 ألف جنيه، ومستلفهم عشان أدفعهم للمستشفى، النقابة كانوا عايزين يدوني 15 ألف جنيه عشان أدفع تكاليف المستشفى اللي مستلفهم من صحابي، هما دول اللي انتخبناهم في المجلس، حرام عليكم،  لو اتعرض عليا انهارده أي حاجة هوافق عشان أكل الأربعة اللي في رقبتي مراتي وعيالي التلاتة.

 أبو الليف تعرض إلى وعكة صحية أثناء تحضيرات مسرحية عنبر 7 مما أسفرت عن دخوله العناية المركزة.