يستعد الفنان تامر حسني، لإحياء حفل ضخم في الإسكندرية، بحضور جمهوره ومتابعيه، غدًا السبت.

ونشر تامر حسني، بوستر الحفل عبر حسابه الشخصي بمواقع التواصل الاجتماعي "فيس بوك"، قائلًا: "حبايب قلبي طلاب الثانوية العامة بالإسكندرية مستنيكوا يوم 24-9 هنحتفل بنجاحكم ونعمل أحلى حفلة في إسكندرية، في إليكس أرينا، داخل فندق جولدن جويل".

في سياق آخر، طالب المطرب تامر حسني، بإنشاء تطبيق لجمع تبرعات من المصريين، لمساعدة مرضى ضمور العضلات، الذي يعاني منه الكثير، وأن يكون تحت رعاية الدولة.

نشر تامر حسني صورة للطفلة سيلين المصابة بمرض ضمور العضلات، على حسابه الشخصي بـ"إنستجرام"، معلقًا عليه: "يا جماعة مرض ضمور العضلات منتشر جدًا في عصرنا ده ربنا يعافي الجميع تخيلوا لو مليون واحد بس من عدد سكان بلدنا العظيمة لو دفع 30 جنيهًا بس، هيسهم في إحياء طفلة في لحظة واحدة طفلة بتتعذب كل لحظة هي وأهلها.

وأضاف: أمنية حياتي والله العظيم دلوقتي، يتعمل أبليكيشن تحت رعاية الدولة وتتسمى المليون أخ وتبقى على تليفونات الناس اللي هتتبرع، مليون واحد هتجيلهم رسالة حسب خطورة المرض، ونوعه وتكلفته العامة والمطلوب منه، وفي سيستم يقدر يدخل بنفسه يشوف اسمه وتبرعه راح فين، وإن المريض اتعالج خلاص وتجيله رسالة شكرًا صدقتك أحيت نفس بل أسرة كاملة، أنا كفنان جاهز لأي جهة هتتبنى الفكرة دي، إني أكون داعم ليها ومعلن عنها لو الجهة محتاجة ليا شخصيًا أو لصوتي إن شاء الله أنزل، ألم التبرعات بنفسي وأخبط على بيت بيت وده لوجه الله ولخدمة شعبنا وأهالينا المحتاجين.