تخطت أغنية "حياتنا" للفنان تامر حسني حاجز 3.5 مليون مشاهدة عقب 7 أيام من طرحها، وتصدرت قائمة الأكثر مشاهدة عبر موقع الفيديوهات الشهير "يوتيوب".
وأغنية "حياتنا" من فيلم بحبك، كلمات أحمد حسن راؤول، ألحان إسلام زكي، توزيع و مكساچ إلهامي دهيمه وأحمد حسام، ماستر علي فتح الله.
كلمات الأغنيه :
في حب يعجزك بدري
حب يموتك جواك
و إيد تتمد تمسكها
تغمي عينيك تقوم خانقاك
في وش يبان ملاك طيب
في ضهرك يتقلب إبليس
في حد بتشتريه غالي
و هو قصاد مرايته رخيص
و هو قصاد مرايته رخيص !
حياتنا عباره عن أشخاص
ما بين غاليين و حبه رخاص
في ناس بتزود الواحد
و ناس عايشه بتاخد و خلاص
ما بين الصح و المفروض
بنتعود على المرفوض
في كام واحد في تعبك غاب
و كام واحد فضل موجود ..
في حلم بيختفي و يمشي
و وقت بيتسرق ببلاش
في واحد عاش و مافهمش
و واحد عمره لحظه ما عاش
بنجري في دايره مقفوله
و أهي قلوبنا إتهرت تعليم
و مين ضامن يعيش توهه
و يخرج منها قلبه سليم
حياتنا عباره عن أشخاص
ما بين غاليين و حبه رخاص
في ناس بتزود الواحد
و ناس عايشه بتاخد و خلاص
ما بين الصح و المفروض
بنتعود على المرفوض
في كام واحد في تعبك غاب
و كام واحد فضل موجود ..