شهد الرئيس عبد الفتاح السيسي اليوم حفل تخرج دفعة جديدة من طلاب كلية الشرطة، بمشاركة عدد من كبار رجال الدولة، حيث وجه الرئيس السيسي في كلمته عددا من الرسائل لطلاب كلية الشرطة الخريجين.

كما وجه الرئيس السيسي رسالة لجميع المصريين بشأن مشروعات التطوير في كل قطاعات الدولة، مؤكدا أن عملية التطوير مستمرة ولا تنتهي بفترة زمنية محددة.

أبرز تصريحات الرئيس السيسي

وتضمنت كلمة الرئيس السيسي عددا من الرسائل من بينها:

• نعمل على تطوير كافة القطاعات بنشتغل من غير ضوضاء ومش بنقول هنعمل هيكلة وإصلاح.
• عملية التطوير مستمرة لا تنتهي بمرحلة أو فترة زمنية محددة والتطوير لكل قطاعات الدولة بشكل هادئ.
•  رسالة لخريجي كلية الشرطة واجبكم خلي بالكم تجاه بلدكم أمن وآمان مصر أمانة في رقابتنا ورقابتكم أتمني لكم كل التوفيق.
• المسئولية على عاتق وزارة الداخلية كبيرة قوى.
• دوركم مشهود من الناس كلها ومصر كلها تقدر هذا الدور طالما يحترم إنسانية المواطنين وإنفاذ القانون.
• الأمور اتحسنت كتير أوي كل التهديدات والإرهاب بفضل الله وبفضل أبناء مصر من الشرطة والجيش وكل قطاعات الدولة إحنا في مكان كويس أوي.
• مطلوب مننا العمل أكثر ونقدم الوفاء لهذه الدماء.
• كل التحية والمحبة والاحترام والتقدير ليكم وأرواح الشهداء والمصابين والأسر وربنا يجزيكم خير الجزاء ولن ننساكم أبدا.
• الدماء اللى قدمت والأرواح اللى راحت عند ربها تمن الأرواح دي غالي وده في رقبتنا إحنا في شعب مصر كله.
• كلامي لأسر الشهداء كنتم سبب فى أن ابنائكم وأزواجكم يقدموا التضحية من أجل مصر بتكلم عن كل الشهداء من كل القطاعات هما السبب في اللى إحنا فيه دلوقتى.
• الأسر المصرية قدمت دماء أبنائها لحماية واستقرار ومستقبل 100 مليون مواطن.
• إحنا معاكم دايما وربنا موجود معاكم قبلنا.. الشهيد عند ربنا حاجة جميلة جدا وربنا هو اللي بيعوض علينا كلنا.