أعربت الفنانة اللبنانية نادين نسيب نجيم عن استيائها الشديد من انتشار مقطع فيديو لها تم تصويره لها بدون علمها في أحد الأماكن وظهرت فيه تحتضن شخصا.

 نشرت نادين الفيديو عبر حسابها بموقع تبادل الصور والفيديوهات انستجرام وعلقت:  «يلي عم حاول يستهبل ويصور على أساس عم يزعجني بدي قول شغلة لكل حدا عم ينشر الفيديو هيدا خطيبي وأنا حرة بحياتي وما حدا خصه ومن هلا بقلكم لعبوا غيرها وجربوا حظكم مرة أخرى، يا عيب الشوم عليكم ما بتحترموا خصوصية الناس هدفكم بس النشر وجلب اللايكات والتعليقات على حساب الناس».

وأضافت: «كلكن هدفكم عدد اللايكات على حساب حياة الناس وكرامات الناس ! صرنا بزمن ما حدا بيحترم حياة الناس الخاصة وحتى لو كنت مشهورة متل ما بتقولوا بس هل الشي ما بيعني إنكم تستغلوني لنية بشعة».

وتابعت نادين: «وبعدكم مفكرين أنه بهل الطريقة بخسر ولادي! وبتتمنولي اخسرن تفه على تربيتكم وما حدا بهل الدني بفرقني عن ولادي لأنه بالقانون وبرا القانون أنا امرأة مطلقة حرة وبحقلي عيش وحب واتزوج خلصنا بقا منكم! عيب عليكم».

الجدير بالذكر أن  نادين نجيم تشارك في المارثون الرمضاني 2023 من خلال مسلسل وأخيرا، والذي تعود من خلال لموسم رمضان بعد غيابها خلال العامين الماضيين.