حل الفنان رضا حامد، ضيفًا على أحد البرامج التليفزيونية، وتحدث عن معاناته في إيجاد الأدوار، وتجاهل المخرجين والمنتجين له، كما علق على تصريحاته السابقة عن الفنان عادل إمام، مؤكدًا تقديره له بخلاف المواقف التي جمعتهما.

وجاءت أبرز تصريحاته كالتالي:

- أعلى أجر حصلت عليه من أعمالي كان 120 ألف جنيه.

- بتصل على التليفونات كلها لكن محدش بيرد، ومرة روحت شركة فنية فوجدت إهمال في الاستقبال فبطلت أروح.

- تواصلت مع أقرب أصدقائي المخرج محمد النقلي، والمخرج أحمد صقر، لكن مخدونيش معاهم في أدوار.

- لما طلبت من عادل إمام أشترك معاه في عمل، قالي اشتغل بعيد عني.

- أنا مش ندمان على تصريحاتي عن عادل إمام، وأنا بقدره ومقولتش عليه غير إنه رمز من رموز الفن الشامخ ورجل رحلته عظيمة.

- اشتغلت مع الفنان سمير غانم، وكان بيخليني أعمل اللي أنا عايزه ويزودني لكن أستاذ عادل إمام فيه حاجات محددة متفقين عليها، ومكنش بيديني الفرصة إني ارتجل ولا أخد فرصتي.

- عادل إمام فعلًا مش بيحب حد يظهر جنبه، وبيخاف من ده، وعنده إحساس إنه بكده بيحافظ على نجوميته.

- آخر مرة كنت بشتغل في مسلسل مع حسن الرداد، واتدخل عشان أخد أجر 100 ألف جنيه، ومن بعدها مش عارف يتدخلي تاني عشان هو بيتعامل مع الشركة دي كتير.

- هل من العدل إن بطل العمل ياخد 10 ملايين، ورضا حامد في دور مهم جدًا ياخد 100 ألف بس؟