كشف الفنان أحمد حلمي، عن تفاصيل دوره في فيلمه الجديد "لسه حته" المقرر أن يبدأ تصويره خلال الأيام المقبلة.

وقال حلمي، خلال المؤتمر الصحفي له في السعودية: "أنا هقدم دور بلطجي، بس هضرب المرة دي، والفيلم يناقش الأمراض النفسية وإزاي بنتعامل معاها، وبنتخيل إن إحنا زي الفل ولكن في الحقيقة مش زي الفل ولا حاجة".

وأضاف حلمي: "وإحنا مش زي الفل بدليل إن لما بنروح لحد نتكلم معاه بنكتشف إن عندنا مشاكل نفسية ولما بنتجاوزها بنلاقي نفسنا أحسن، بنقدم كل ده من خلال بلطجي".

الجدير بالذكر أن آخر أعمال الفنان أحمد حلمي فيلم "واحد تاني"، الذي عرض مؤخراً، وحقق نجاحا كبيرا، وشاركه في البطولة عدد كبير من النجوم؛ منهم: روبي، نسرين أمين، نور إيهاب، أحمد مالك، سيد رجب، وعدد آخر من الفنانين، والعمل من تأليف هيثم دبور وإخراج محمد شاكر خضير.