علق الفنان حسن الرداد عبر حسابه بموقع الصور الشهير "إنتسجرام" على الشائعة التي انتشرت مؤخرًا ونالت من الفنان عمرو يوسف وزوجته كندة علوش.

وفي البداية وجه الرداد الشكر للصحفيين المحترمين قائلاً: "عايز أشكر الصحفيين المحترمين إللى بيراعوا ضميرهم و بيحترموا شرف مهنتهم و لم يتناولوا الخبر الكاذب الملفق اللى تداولته بعض المواقع عن الزميل و الأخ و الصاحب و النجم#عمرو يوسف و زوجته".

وأضاف الرداد: "طبعا الخبر اتنفى و كل حاجة، لكن هو بقى أى حد عايز يكتب أى حاجة يكتبها لمجرد أنه شغال في جريدة أو موقع إلكتروني؟، هل الفنان مباح أنه يتلفق له أى خبر لمجرد أنه مشهور عشان الجريدة أو الموقع يعمل فرقعة صحفية".

ثم تطرق الرداد للحديث عن عمرو يوسف قائلاً: "عمرو يوسف من أنقى و أطيب و أكثر الناس احتراما و أخلاقا هو و زوجته العزيزة، مش بقول الكلام ده عشانه صاحبي، لكن الموضوع أكبر من مجرد خبر خايب نزل عن عمرو، كدة بقى أى حد عايز يكتب عن أى فنان أى تهمة يكتب براحته و يحاول يشوه سمعته على مزاجه".

وتابع قائلاً: "عشان كدة لازم محاسبة كاتب هذا الخبر حتى يكون عبرة لغيره، لأنه فى البداية يسئ إلى الصحفيين المحترمين الشرفاء اللى بنحترمهم جدا قبل أن يسئ للفنان المنسوب إليه الخبر".

واختتم الرداد كلامه برسالة لعمرو يوسف قائلاً: "عايز أقول للمحترم الخلوق#عمرو يوسف ، معلش ضريبة الشهرة يا صاحبي".