حل الفنان أحمد عصام أمس الاثنين ضيف هو وزوجته مع الأعلامية إسعاد يونس، في برنامج «صاحبة السعادة» وتحدث خلال الحلقة عن كواليس الفرح الذي حضره عدد كبير من النجوم، ونستعرض في التقرير التالي أبرز تصريحاته.

ـ أنا محظوظ بصحابي والنجوم في فرحي كانوا بيقولولي عايز تسمع إيه.

ـ مكنتش هعمل فرح لغاية لما والدتي قالت لي نفسي تلبس بدلة وأبص في وشك وأضحك وأنت تبصلي وتضحك.

ـ عملت فرحي في عيد جواز والدي ووالدتي.. ومكنتش أعرف.

ـ كل اللي حصل في فرحي هو تنظيم إلهي.

ـ تلفوني عليه 34 ألف اسم وكان عندي مشكلة في المعازيم، لكن حاولت أعزم في فرحي اللي أعرفهم من أقل حد لأعلى حد.

ـ الفيديو والدي جي والأوتيل مرضيش ياخدوا مني فلوس، وكل العمال رفضوا ياخدوا فلوس، ودي ملهاش علاقة بالشغل لها علاقة بالحب.

ـ حمادة هلال كان مصر أنه يشهد على جوازي، لدرجة أنه كان مسافر لبنان لتصوير مسلسله، وفوجئت الساعة 4 ونص الصبح بمكالمة من الريسبشن، بيقولولي حمادة هلال تحت، وجالي من لبنان مخصوص طلع سلم علينا ونزل سافر لبنان تاني.

ـ سجلت أغنية لمراتي مع تامر حسني بس معرفناش نقدمها.

ـ فستان الفرح اتعمل في 15 يوما وهاني البحيري مكنش موجود عملناه على زوم.