حرص المخرج كريم العدل على دعم الفنانة مني زكي ، وذلك عقب الهجوم الذي تعرضت لها بعد طرح بوستر مسلسلتها الجديدة«تحت الوصاية» تميهدا لعرضه في السباق الرمضاني 2023.

وكتب كريم العدل، منشورا يرد فيه على انتقادات إحدى المتابعات عبر حسابه الشخصي بموقع التواصل الاجتماعى الفيسبوك،حيث قال:«دي تويتة وقعت قصادي بالصدفة،الموضوع ده غريب جدا والله، يعني أولًا الجمال ده شيء نسبي، لو إنتي شايفة أن منى زكي كده وحشة، ف دي رؤيتك إنتي..أنا ممكن أشوفها حلوة عادي.. هي يا جماعة نيكول كيدمان لما بوظت مناخيرها علشان دور، ولا توم كروز لما طلع بكرش وأصلع، كانوا بيعملوا كده علشان عايزين يقولوا إن فيه فئة معينة شكلها وحش؟!.. مش منطق أبدًا والله».

وتابع العدل: ثانيًا، أنا حقيقي مش فاهم إيه علاقة التعليم بالموضوع عامة!!، ثالثًا، هل ده معناه إن كل المحجبات قمرات ومافيهومش ولا واحدة وحشة؟، مش منطقي.. وتاني نرجع نقول ده شيء نسبي يختلف من شخص للتاني، رابعًا بقى، منى زكي مسلسلها بنسبة كبيرة عن شخصية حقيقية، وبيحاولوا يقربوا بالشكل..أصلًا بقى.. بجد الناس بقت بتحمل الفن والدراما فوق طاقته.

واختتم كريم العدل حديثه: «وبياخدوا كل حاجة بشكل شخصي جدًا.. وطول الوقت عندهم نظرية المؤامرة، وكل واحد ولا واحدة يطلع يقول لك الكلمة اللذيذة بتاعة السم في العسل.. استهدوا بالله كده يا جماعة بجد».