كشف صديق أحمد ثروت نجل المطرب محمد ثروت، عن آخر التطورات الحالة الصحية له، مضيفا أنه سافر ألمانيا، للخضوع إلى عملية جراحية دقيقة بالمُخ، ليتم بعدها التعرف على نوع المرض، ووضع بروتوكول خاص لعلاجه في الفترة المقبلة.

كتب صديق أحمد ثروت بوست على حسابه الشخصي بموقع التواصل الاجتماعى الفيسبوك:«من فترة كنت كتبت علي قصة الضغط العصبي و ان مافيش حاجة مستهلة و ده كان بسبب حبيبي و صديقي أحمد ثروت اللي عنده 31 ولا 32 سنة و هو عنده شركة في مجال الدعاية و الاعلان .. زميل صنعة زي ما بيقولوا و من شوية ضغط في الشغل في خلال السنوات اللي فاتت جات له جلطة في عينه الشمال و الحمد لله بتتحسن ».

وأضاف:«ولكن تطور الموضوع اكتر و جه له مرض في الاعصاب نادر اوي اوي اسمه "متلازمة الميلر فيشر" و ده مرض بيجي ١٪؜ في المليون بيخلي الجهاز المناعي يهاجم الجهاز العصبي و حاليا مأثر علي رجله الشمال تماما و اليمين بنسبة ٥٠٪؜ زي ما أحمد قال ليالحمد الله عزيمة أحمد في حتة تانية خالص و بيهزر و بيضحك و مؤمن و مبسوط ان ربنا اختصه».

وتابع:«بس النهارده يوم مهم جداً،أحمد سافر لألمانيا علشان المرض ده محتاج مركز متخصص لعلاجه و النهارده هيسحبوا عينه مياه من المخ علشان يحددوا الموضوع اكتر و يحطوا بروتوكول للعلاج بإذن الله،بناء علي نتيجة النهارده هيتحدد حاجات كتير اوي،فضلا و ليس امراً ندعي لأحمد لعلكم اقرب الي الله انه يشفيه و يهون عليه و يربط علي ابوه محمد ثروت و أمه و اخته و خطيبته».