تقدم اليوم الشيف "حنان مدحت" وصفة سهلة وخفيفة للنباتيين، وهي فتة البطاطس الحارة، بطريقة شهية ولذيذة.

طريقة عمل فتة البطاطس الحارة:

المقادير:

• مكعبات بطاطس محمرة.
• عيش شامي مقطع شرائح رفيعة محمر فى الزيت أو محمص فى الفرن.
• ملعقتين ثوم مفروم.
• ربع كوب زيت.
• حمص شام مسلوق.
• بقدونس مفروم.
• خس مقطع .
• ملح.
• فلفل.
• بابريكا.
• رشة كمون.
• شطة.
• بهارات بطاطس.
• لعمل الصوص:
• زبادي.
• ملعقتين طحينة.
• عصير ليمون.
• ملح.
• كمون.
• ربع ملعقة ثوم مفروم.

الطريقة:

• طاسه على النار نضع قليل من الزيت والثوم المفروم.
• نضع البطاطس المحمرة مسبقا وتقلب مع التوابل .
• نضيف الملح والفلفل والكمون والبابريكا وبهارات البطاطس .
• تشوح على النار ثم نضيف الحمص المسلوق ويقلب سريعا.
• يجهز طبق مناسب للغرف ونضع قليل من الخس المقطع .
• نضع خليط البطاطس والحمص وأخيرا العيش المحمر والبقدونس ..
• يتم تجهيز الصوص بوضع الزبادي مع الطحينة وعصير الليمون والثوم والبهارات ويقلب جيدا.
• يوضع على وجه الفته وتقدم  بالهناء والشفاء..