تراجعت الفنانة والإعلامية ميار الببلاوي عن أقوالها في تصريحاتها الأخيرة، التي أشارت فيها لبراءة الفنانة وفاء مكي، في قضية تعذيب الخادمتين، مشيرة إلى أن وفاء مكي كاذبة، وأنها من عذبت الخادمتين. 

كتب ميار الببلاوي منشور على حسابها الشخصي بموقع التواصل الاجتماعي الفيسبوك، قائلة:«اللهم لك الحمد  ربنا ظهر الحقيقة من شاهد عيان، وكده أنا كنت بأنب ضميري على الفاضي، سؤال إيه الى بتعمليه ده يا وفاء أنا قلت إن في موقف حصل لكن كده اتحسمت كفاية بقى  ملقتيش حد تدوسي عليه غيرى وتمثلي البراءة، أو علشان أنا مش بتاجر بالموضوع ورافضة اتهم بأني بجرى ورا تريند وأفضل ألف معاكم على القنوات والمواقع بالشكل المستفز دا».

إ

وتابعت:«أنا قلت شكوكى وموقف حصل الحمد لله انه كان ولا هيقدم ولا يأخر سؤال فين دليل برائتك دا أنا قلت للناس انه حصل كذا فقط والى حصل دا ملوش أى قيمه خالص بعد شهاده الشاهد دا وبعد مقريت التحقيقات والتقارير أد إيه أنا كنت هبله فى كل مكان تكذبى وانتى عارفه انك مش مظلومة وأنا الحمد لله اتأكدت انك مذنبه والحكم عين الحقيقة،كده لما جولى مكنوش جايين من عندها وكده المخدمتية كذابة شاهد العيان ده ريح قلبى».

وأضافت:«إخرسى بقى  وبرافوا يا ريهام هفضل أقول إنك أكبر وأصدق إعلاميه  فى مصر حسبى الله ونعم الوكيل فيكى لا وليكى عين تكذبى وتقولى انك بريئة، وقال كمان مش مسمحانى إخس بس مش مستغربه غير اتنين زميلاتى الإعلاميات إيه ده إيه كميه الحقد ده».

واختتمت حديثها:«لو كنتوا تعبتوا نفسكم زى ريهام سعيد علشان توصلوا للحقيقه وتريحوا الرأي العام  ومتفكروش فى التريند  تفكروا فى مصداقيتكم كإعلاميات للأسف مكنتوش سمحتوا بالى بتعمله وفاء أعوذ بالله اتعلموا من ريهام سعيد لأنها هتفضل  باحثه عن الحقيقة وإعلاميه مهنيه زى مبيقول الكتاب».