قال الفنان حاتم صلاح انه سعيد وفخور بالمشاركة بمسلسل الكبير والناس كانت بتشبه عليا من غير الباروكة ، لكن دلوقتى خلاص بقيت مشهور ، و اول ما تصدرت التريند ، اتخضيت و خوفت و كمان العروض بقت كتير . 

واضاف خلال حلوله ضيف ببرنامج واحد من الناس مع الاعلامي د. عمرو الليثي على شاشة الحياة ، و استشرت الفنان أحمد أمين قال لى اتبسط باللى انت عملته و خدها واحدة واحدة ، و سر النجاح الفريق كله و الاستاذ احمد الجندى مخرج كبير ، و والنجم احمد مكى نجم كبير و يسمح بكل المساحة دى للممثلين معاه دى حاجة محترمة ، و كل مشاهد المسلسل كنا بنخرج فيها عن النص ، و بنرتجل كتير ، و فى مشهد مع حزلقوم مقدرتش امسك نفسي من الضحك ، و بقيت كل ما ابص ليه اضحك و ابتدى استاذ احمد الجندى يقفش علشان المشهد تم اعادته اكثر من مرة  . 

و تابع حاتم ان هناك علاقة رائعة تجمعه بالممثلة رحمة و اشتغلت معاها فى أمين و شركاه ، و هى كوميديانه كبيره و بتعمل حاجات محدش يعرف يعملها غيرها . 

و عن الهجوم على الفنانة رحمة اعتقد انها كان حملة ممنهجة لان البوستات كانت واحدة ، و كلمتها تانى يوم رمضان و قولت ليها ما تقلقيش ، و عادى انا برضوا اتشتمت كتير فى اول الموسم السادس و مكى قال لى ما تقلقش ، و هى ما تستهلش الهجوم ده و هى ممكن ما تستحملش لكن لكن مع الوقت بنتعود .

وتابع  ان من اصعب المشاهد حلقات المبارة وكورة القدم ، و فى اول يوم تصوير جالى تمزق فى الاربطه و كان لازم احبس رجلى لمدة اسبوعين ، و كلمت دكتور صديقى عملى جبيره مثل اللاعبين و كانت بحاول اخفى اصابتي فى الجرى