انهارت الفنانة مروة عبد المنعم، بالبكاء خاصة بعد حديثها عن الأشخاص الذين تخلوا عنها في فترة محنتها خلال ابتعادها عن الفن، مشيرة إلى أنها توقعت وجود الفنان تامر حسني، في مقدمة المتواجدين بجانبها لكن ما حدث كان عكس ذلك.

وقالت مروة عبد المنعم، خلال اللقاء: "كنت لسه بقول لبنتي مش عارفة أنا صرفت عليكم طول السنين اللي فاتت دي إزاي؟ بس بتمشي، محدّش وقف معايا... ربنا ده عظيم وكريم، بقعد ساعات أقول أنا بصرف السنة دي إزاي".

وذكرت أنها توقعت وقوف تامر حسني، بجانبها بعد نجاح فيلم عمر وسلمى خاصة أنه كان من المقربين لها إلا أنه لم يتواصل معها طوال تلك الفترة، ومع ذلك فقد أشادت بموقف الفنان أحمد زاهروأحمد صفوت معها.

وأضافت مروة عبد المنعم: " كنت متخيلة إن تامر حسني يسأل عليا، وخاصًة كان لسه في "عمر وسلمى" حصله موقف في الجيش وذهبت إليه مع إني لسه مكنتش صاحبته، والناس اللي بينا عشرة شغل فقط مسألوش عليا، إحنا مش عشرة خروج وفسح، وتامر، من الناس اللي قريبة مني، ولم يرسل مجرد رسالة ولم يكلّمني، أحمد صفوت، من الناس اللي وقفوا معايا، وأحمد زاهر، وقف معايا في حاجات كتير جداً".

وأشارت إلى أن أشرف زكي، نقيب الممثلين كان من الداعمين لها، إلا أنها رفضت الحديث عمن تخلوا عنها خلال تلك الفترة قائلة: "أشرف زكي، وقف معايا وكذلك الفنان إدوارد، كان وقتها معايا، ودول اللي كانوا واقفين معايا، ومشهقول مين أتخلى عني، وفي ناس انتظرت إن هما يبقوا معايا، ومزعلني جدا ومش عايزة أقول مين، ومكنوش صحابي قوي وعلى الأقل في بينا عشرة من الوسط الفني، ولما أقابلهم في لوكيشن بيقوليلي إيه الأخبار وبيسألوا عليا، وبقول الأسماء في الحاجة الكويسة".

يذكر أن مروة عبد المنعم، تعرضت لحادث قبل أيام بحريق شب في شقتها بسبب شمعة متواجدة في غرفة ابنتها وهي نائمة مؤكدة أنهم لحقوا الحريق ولم يحدث أى أضرار وكل من فى المنزل بخير"

ونشرت صوراً عبرحسابها للحريق علقت عليها: "شكراً جدا لكل الناس اللي اتصلت بيا عشان تطمن.. الحمد لله والشكر ليك يا رب، في لحظة، أوضة بنتي حور، بتتحرق، حاجة مرعبة أوي، قدر الله وما شاء فعل".

حريق جزء شقة مروة عبد المنعم