قال الرئيس عبدالفتاح السيسي، إن تطوير ميناء العريش تطلب جهودا ضخمة بسبب وجود المواطنين حول الميناء، «كان لازم نعوض الناس دي واحنا مش بنعمل ده ضدكم وبنعمل ده عشان بلدنا وعشان تلاقوا شغل ليكم ولأولادكم».

وأضاف الرئيس عبدالفتاح السيسي، خلال كلمته في افتتاحية محطة تحيا مصر متعددة الأغراض، إن البحر المتوسط يوجد به 500 ألف يخت ونصيب مصر من هذه اليخوت ضعيف جدا، لافتا إلى منح التصاريح لليخوت يجب ألا يتجاوز 30 دقيقة كما في العالم كله.

وتابع: «أنا مش بكلم الناس بتوع النقل أنا بكلم الناس بتوع مصر والمصريين ولازم تعرفوا يعني اي دولة لان الدولة مش أكل وشرب هي حاجة تانية خالص غير اللي احنا بنتكلم فيه وعشان كده بكتر في الكلام».

وأشار إلى أن تطوير ميناء الإسكندرية الكبير، استلزم من الدولة المصرية والحكومة تنظيم برنامج ضخم جدا في بناء قدرات حقيقية للاستفادة من موقعنا المتميز، قائلا: «إضافة 18 كيلو من الأرصفة لميناء الإسكندرية في أقل من عامين كان ضغط على الدولة والموارد بس كنا مضطرين نعمل ده عشان نحط نفسنا على خريطة التغيير للأفضل».