كشف الفنان حسين حجاج حقيقه خلافه مع الفنان محمد هنيدي قائلا: "مش زعلان من هنيدي كل الحكاية أن كان في لقاء تليفزيون وقالو لي مبيسألش عليك قولتلهم مبيسألش أنا اشتغلت معاه فيلم صعيدي في الجامعة الأمريكية وكان فيلم ناجح جدا".

تابع خلال حواره مع الإعلامية انجي هشام في برنامج المنسي عبر قناة هي: "مرة قابلته بعدها بسنه او اتنين قولتله ايه انت نسيتني ليه؟ قالي مينفعش نشتغل مع بعض تاني قولتله طب ليه قالي اصل المشهد بتاعك كان حلو والناس لسه منسيتش لؤي لما الناس تنساه نرجع نشتغل تاني مع بعض".

وتابع :' لقيت كلامه مش منطقي الناس لما بتلاقي حد ناجح في مشهد بتجيبه لكن ده بيقول العكس لكن أنا مش زعلان منه ولا حاجه هو حر، أنا معرفش هوا جواه ‘يه أنا قابلته ساعتها في هيلتون رمسيس وكان معاه ساعتها الأستاذ هاني رمزي وأنا كنت رايح اسلم على هاني رمزي.

يذكر، أن برنامج "المنسي" هو برنامج على قناة "هي" تقديم الإعلامية انجي هشام، ويذاع يومي السبت والأحد في تمام الساعة الحادية عشر والنصف مساءً ويستضيف عددا من نجوم الفن والإعلامين الذي غابت عنهم أضواء الشهرة والنجومية.