كشف الفنان مصطفى درويش كواليس أزمته مع المرحوم مصطفى درويش بسبب تشابه الأسماء قائلا: "الأزمة أو المشكلة دي حصلت سنه ٢٠١٤، كنت بعمل مسلسل مع أستاذ نادر جلال اسمه العقرب وبعدين فجأة لقيت نفسي مكتوب في التتر مرتين مرة في تتر البداية مصطفى درويش وصورتي ومرة تانية اشترك في التمثيل مصطفى درويش في تتر النهاية كلما المنتج في التليفون قلتلوا انت حاطتتني في التتر مرتين ، أنت حابين اوي كده قالي لا ده ممثل تاني اسمه مصطفى درويش".

وأضاف مصطفى درويش خلال حواره مع الإعلامية إنجي هشام في برنامج المنسي عبر قناة هي: «قلتلوا طب هو دا ينفع ده كده يبقي في اختلاط في لحكاية وجبت رقمه وكلمته قالي يا استاذ أنا بحبك قلتلوا وانا كمان يا حبيبي بحبك مفيش حاجه بس انا بقولك ده هيعمل مشاكل وبعد فترة الناس بدأت تبعتلي اوردرات مش بتاعتي مرة روحت ٣ شركات اقولهم باعتنلي ده ليه يقولولي معلش ده مش ليك أنت بعد فترة جالي من الضرائب إخطار بحاجات أنا معملتهاش فأقولهم يا جماعه معملتش الأعمال دي يقولولي لا اقولهم مش أنا».

وتابع: «في الآخر اشتكيت للنقابة والنقابة بعتتلو ومضي إقرار أنه هيغير الاسم يخليه مصطفى حسين درويش فمحصلش فاشتكيت تاني لأشرف ذكي لحد من سنتين دكتور أشرف حابه وجه مصطفى الله يرحمه بكل حب اتقابلنا في نادي النقابة وطلع مصطفى اتكلم وقال أنا آسف والأزمة اتحلت قبل ما يتوفى بسنتين».

واختتم درويش: «الموضوع ده فرق معايا على مستوى الشغل مرة كلمت مخرج قالي واحشني قلتلوا طب مبتجبنسش ليه قالي أنا طلبتك وقالولي دا شغال في كذا قولتلو أنا قاعد في البيت فاتضح أن مصطفى كان بدأ ينتشر والناس افتكرتني أنا وبعدين اوردراته كانت بتجيلي».