كشفت سحر نوح ابنة الموسيقار الراحل محمد نور، إنها آخر من حضر اللحظات الأخيرة مع والدها قبل رحيله، مشيرة أنها لا تستطيع أن تنسى هذا المشهد طوال حياتها. 

وقالت سحر خلال لقائها مع الإعلامية سهير جودة عبر صفحتها الرسمية على فيسبوك، إنه قبل وفاة والدها كان هناك صالون ثقافي في المنزل بحضور عمها ومجموعة من أصدقاء والدها، مشيرة: "بابا قبل وفاته كنت بقوم من جنبه كان بيقولي رايحة فين متغبيش عني يا حبيبتي، وبعد كدا فهمت انه بيودعني".

وأضافت سحر: "بابا اخد شاور وحلق دقنه، وبعد لما الناس مشيت قعدت قرأت معاه وكنا بنحكي سوا مع بعض، وبعدين وصلته للسرير عشان ينام واول ما دخل على السرير توفى».

وتابعت: "اول ما شوفت بابا كده فضلت اقوله قوم يا بابا، لحد ما زوجته سمعتني وهي طبيبة ففهمت انه توفى وانا جسمي كان بيرتعش وقتها بشكل غريب، وانا بقيت هشة جدا بعد الموقف ده، مبيقدرش دلوقتي اشوف حد مريض او ادخل مستشفى، حتى مبستحملش اشوف حيوان من الحيوانات الاليفة اللي بربيها يكون تعبان، أنا بقيت اضعف من إني اوجه المشهد ده مع اي كائن".

وأشارت سحر: "انا كانت تحاول ان تتحدث مع والدها وقامت بالاتصال بكل أصدقائه الذين كانوا متواجدين معه قبل وفاته، وبالأهل، وفي لحظات امتلأ المنزل بالناس، بابا توفى الساعة 2 وربع صباحا 17 رمضان، في نفس معاد وفاة جدتي وعلى سريرها مثلما كان يتمنى، ومن هذه اللحظة بقيت واحدة تانية وعلاقتي بالأاشياء انتهت  تماما زي ما كان بابا بيقولي الإنسان هو اللي بيدي قيمة للحاجة مش العكس".