أشاد الفنان جلال العشري، بتطورات التي حدثت في مصر منذ 10 سنوات، خلال تولي الرئيس السيسي عبد الفتاح، مؤكدا، أنه يدعم الرئيس لحد 2030.

قال الفنان جلال العشري، في لقاء مع «دار الهلال»:«فخامة الرئيس السيسي عبد الفتاح، من أعظم الرجال الذين حكموا مصر، ولم يفكرفي الشعبية، فكر في تغير البلد إلي الأفضل ويعمل وجه جميلة لينا جميعا، سوا بناء العاصمة الإدارية أو الكباري أو مونوريل هذا إنجاز كبير، أنا بأيده، هو ووعدنا أن الحلم يكمل في عام 2030».

أضاف:«ناقص مصر، الروح اللي كانت متواجدة في 73، أنا بتذكرأن أيام 1973م، الشخص الذي يمتلك عربتين نقل كان يتبرع بعربية لصالح الجيش المصري، والمدرسين في المدارس كانوا  يقولوا للطلاب اكتبوا على أي ورق حتي لو ورق لحمة، ده كان الشعور قوت النكسة والهزيمة وصل إلي نصر أكتوبر، دي الروح اللي لازم تكون فينا النهاردة، أي يعني الحاجة سعرها ارتفع شوية، في شعوب لا تمتلك السلع ولا الأموال».

وتابع العشري:«لازم يكون في وعي عند المواطن، حب الحاكم ليس فرض ولا سنة، ولكن احترام الرجل اللي احترمك، بيفكر ليك انك تعيش في مدينة جميلة ومعاصرة، الناس العشوائيات لما يقعدوا في أبراج دلوقتي، مش دي صورة بتاعنا، أنا بحب بلدي أوي وبحترم أي شخص يبني طوبة في بلدي، ده راجل يطلع حفيدي في بلد، كان جده يشوف صورها في مجلة سوبر مان، أو الأفلام الأمريكية، لما ييجي حد يكون عايز يعمل نقله في البلد اضرب له تعظيم سلام، بلدنا عظيمة وكبيرة وغالية».

واختتم جلال العشري حديثه:«السيد عبد الفتاح السيسي ليس مجرد رئيس فقط، تعالوا شوفوا نشأته جاية منين، ده جاي من حي شعبي اسمه جمالية، أنا قعدت فيه حوالي 11 سنة من حبي في الجمالية وجدعنة رجالة الجمالية، كل النخوة دي موجودة في الرئيس، والجدعنة موجودة، الراجل ده بيحب بلده اوي، لو مش بيحبها عمره م كان يخليها جميلة، إحنا مع الرئيس لحد 2030م».