وجه الرئيس عبد الفتاح السيسي اليوم حديثه، خلال حفل تدشين المرحلة الأولى من العاصمة الإدارية الجديدة للمصريين قائلاً: ”بقالنا 7 سنين ما كناش بنتحرك بالشكل المناسب، علاوة على إن كان عندنا تأخير في السنين إللى فاتت".
 

واضاف:" أنا هبقى سعيد بأي نقد مدرك وفاهم وعارف، هو حد عاوز يتكلم عن مصر وميزانيتها لـ100 مليون مواطن و100 ألف موضوع، والابن إللى قاعد في البيت مش عارف أبوه بيجيب الفلوس منين ويصرف عليه إزاي؟".
 

واستطرد قائلا : هل إللى إحنا بنعمله ده كان على حساب حركة الحكومة في كل الأولويات والمشروعات الأخرى؟ لأ طبعا".
 

أما عن حجم الانتقادات الموجهة للحكومة قال السيسي: "ده بيقلل جدا من الجهد إللى بيتعمل، وهيدّي انطباع غير جيد، وكأن الدولة مش عارفة بتعمل إيه، ومستنيين حد يقول لنا خلّوا بالكم من الموضوع ده، ومستعد أسمع بس اللي يكلمني يبقى فاهم وعارف كويس، وارتباط الموضوع اللي بيتكلم فيه بالموضوعات الأخرى، لأنها شبكة مترابطة مع بعضها وكل موضوع يؤثر في الآخر".
 

واختتم قائلا: "بفضل الله بنعمل دولة ذات شأن، وهتشوفوا، وبعد سنين مش كتير هيبقى فيه ناس تقول ياااه، قد كده كان كل ده بيتخطط ويتنفذ علشان تبقى بلدنا بالمستوى ده، شكلا ومضمونا".