حرصت ليماء راتب ابنه الفنان الراحل أحمد راتب، الذكري السابعة على رحيله،الذي رحل عن عالمنا في مثل هذا اليوم الخميس الموافق 14 ديسمبر.

نشرت لمياء صورة لها برفقة والدها على حسابها الشخصي بموقع التواصل الاجتماعي تبادل الصور والفيديوهات الانستجرام،معلقة عليها:"لما بيسيبك حبيب وواحدة واحدة تبدأ تستوعب بتلاقي نفسك بتسأل يعني خلاص كدة؟ خلاص بجد؟،طيب مفيش حتة أمل صغيرة إنك ترجع؟، طيب ما انت لسة جوايا..لسة صوتك ف ودني و شكلك محفور ف قلبي..هودي كل دة فين؟، ازاي كل اللي بينا دة مبقاش ليه اي ترجمة في الواقع؟ إزاي اختفيت كدة من كل حاجة؟".

وتابعت:"هفضل مع الحاجات اللي جوايا دي لوحدي ازاي؟،في كتير بيقولوا انك لسة حاسس بيا و شايفني..طيب شوفتني و أنا بعيط من شوقي ليك؟ ،شوفتني و أنا بموت كل يوم على وش الدنيا؟ ،حسيت برعشة قلبي كل لما أشوف صورتك ؟ وصل لك عجزي لما بضعف و مش بلاقيك؟،طيب لما بنادي عليك بالليل بالدعاء بتسمعني؟ يعني انت عارف غيابك عمل فيا ايه؟،أنا بعترف إني عايشة بصدمة من يوم ما أبويا سابني..بتوع الطب بيسموها trauma،
بس أنا بسميها كسرة بسميها عجز بسميها شوق ملوش مكان يروحه بسميها ذكريات بتدبح الروح".

 

 

 

 

View this post on Instagram

 

 

 

 

 

 

 

 

 

 

 

A post shared by Lamia Rateb (@lamiarateb)

واختتمت ليماء راتب حديثها:"أنا عايشة و طول الوقت في الخلفية موجود احساسي بالخسارة و النقصان و قلة الحيلة،انا بقالي 7 سنين بصحى كل يوم متجدد عندي وجع انك مش موجود،طيب ما أنا نفسي أحضنك قوي يا بابا و محدش عارف يحضنني زيك".

الجدير بالذكر  أن الفنان أحمد راتب شارك في عدد من الأعمال الفنية، التي نالت إعجاب الملايين من محبيه، أبرزها: فيلم الإرهاب والكباب، بخيت وعديلة، ومسرحية الزعيم، ومسلسل هند والدكتور نعمان، السيرة الهلالية، وغيرها من الأعمال، وقدم خلال مسيرته الفنية أكثر من 500 عمل فني، تنوع فيه الفنان ما بين السينما والدراما والمسرح، وجميعها أعمالًا تعلق بها الجمهور.