نشر الفنان محمد رمضان فيدو على حسابة الشخصي على موقع التواصل الاجتماعي «فيسبوك» يعتذر من خلاله على ما بدر منه من صفع شباب من جمهوره بالساحل الشمالي.

وكتب رمضان على هذا الفيديو تعليق قال فيه: «الاعتراف بالخطأ من شيم الكبار».

وقال في الفيديو «الجمهور العدل الأصيل الغالي، ألف شكر، وربنا ميحرمنيش منكم على وقفتكم معايا ومساندتكم وقريت وسمعت دفاعكم عني، وغلطتوا الولد الصغير، بس الفيديو دا أنا عامله عشان أعترف بغلطي وأعتذر لأهل الولد الصغير أني إيدي اتمدت عليه وأنا عارف أنه عيل صغير لأنه لما غلط  في الأول وأزحت عنه القبعة ونظرت له وجدته  عيل صغير، قولتله اسمك إيه يا حبيبي، قالي اسمي كذا قولتله تمام وسبته ومشيت».

وتابع: «ولكن هو تمادى في الغلط  فلفيت تاني قولتله هات الموبايل مرضيش فضربته قلم بسيط وبسببه طير له الكاب والنضارة اللي كان لابسها، وإذ كان الناموسة اللي هو ادهاني على وشه فانا استاهل منها خمسة زيهم، عشان أنا مديت إيدي على عيل صغير ودي لا رجولة ولا بطولة، وهذه الغلطة التي اعتذر عنها، ولما أخدت الموبايل منه ومسحت الفيديو حد قالي اكسر له الموبايل عشان ميعملش كدا تاني، قولتلهم طب هو غلط  ما ذنب أهله يتكلفوا موبايل جديد، قولتلهم سيبوه يروح لأهله».