إسعاد يونس.. تصدرت الفنانة والإعلامية إسعاد يونس تريند محركات البحث جوجل، خلال الساعات الماضية، ذلك بعد حلقتها، مع الإعلامي أنس بوخش، في برنامج "AB talks"، وتحدثت عن أسرار في حياتها الشخصية لأول مرة، عن موقفها من زواج زوجها الفنانة شيريهان.

قالت إسعاد يونس: "حصلي حالة من الصدامة، بعد زواج زوجي من شريهان، وبدأت الغيرة بيننا، ولكن بعد فترة اختفت، لأن بعدها فكرت هل أنا مثالية لهذه الدرجة أو جميلة، وقولت لا، وضعت أولادي أمامي، وسألت نفسي مين الأهم أنا أم أبنائي، وبصيت على كل مواقفه معايا، أوجدت أنه له جمايل وأفضال عليا، تقبلت زواجه مقابل أن يكون معي كل هذا الكنز".

تابعت: "ابتديت أهدى مع الوقت، لأن الظروف جمعتنا أنا وضرتي ولقيت إنهم حبوا بعض وهي شايفاني قدوتها، في الأول كانت متضايقة من الهجوم اللي كان عليها، ولو كنت طلبت منها عينيها كانت هتديهالي، وأنا حبيت إنسانيتها جدًا وقدرتها على التحمل وصمودها أمام المصايب، وعيشنا كلنا في حالة عائلية وسلام وأنا مش مضطرة أدخل في حروب".

كما تحدثت عن مرحلة الطفولة ووفاة والدها: "أبويا توفى وأنا عمري 14 سنة، هو مرض فترة قصيرة وإحنا كنا في الوقت ده مستورين مش أغنياء يعني عندنا سيارتين ودخل وشقة جميلة، وبندرس في مدارس أمريكاني، بعد وفاته كل اللي كان معانا 11 قرش بس، وقتها فيه ستات كتير أوي قرروا يقاطعوا ماما لإنها كانت ست حلوة أوي وصغيرة عندها 32 سنة فبقت خطر على الأزواج".

تابعت:"أمي ليلة وفاة أبويا قالت لي إحنا دلوقتي معانا 11 قرش وهنكمل الحياة زي ما كنا لحد لما نسوي المعاش، وانتي لازم تبقى عارفة أنا معايا كام بالظبط علشان الطلب يبقى في حدود المطلوب وأنا وانتي هنربي إخواتك، وتعليمنا كلنا بإن كل شيء لطيف وجميل سواء أكلنا عيش ملح أو ديك رومي".

وأضافت إسعاد يونس: "أبويا كان رجل حنين علينا كلنا وحلو، علشان كده سميته قمر الزمان لإنه كان جميل وعلمني أقرأ وكونت مكتبة معاه فيها 3000 كتاب وكان مؤمن بيا إني بكتب كويس واخدني للمخرج يوسف مرزوق وخلاه يقرأ الورق بتاعي، وكان بيخليني أراسل الدكتور مصطفى محمود وأنيس منصور وأنا عندي 11 سنة".