تصدر الفنان حسام حبيب والفنان تامر عاشور تريند جوجل خلال الساعات الماضية، بعد اعتذار حبيب للفنان تامر عاشور، وذلك بعد أزمته وخلافه معه خلال الفترة الأخيرة، بعد انفصاله عن الفنانة شيرين عبدالوهاب، في السطور التالية نستعرض لكم بداية خلاف تامر عاشور وحسام حبيب.

وبدأت أزمة حسام حبيب وتامر عاشور، وقت أزمته مع طليقته شيرين عبد الوهاب، حيث كتب وقتها منشور على حسابه الشخصي بموقع التواصل الاجتماعي تويتر: "كل اللي أقدر أقوله في موضوع شيرين عبدالوهاب، أن مفيش كلمة واحدة بس من اللي اتقالت وانتشرت صح، أنا قريب من أهل شيرين ووالدتها وأخوها، أنا برضه أقولها إني بحبها وكل الدنيا بتحبها وتحب فنها، أهل شيرين مظهروش في حياتها آخر سنتين تلاتة أهل شيرين هم أهل شيرين من زمان كل نجاحات شيرين كانت وسط أهلها وناسها اللي يشيلوها من على الأرض شيل".

وتابع عاشور: "يا رب يبعد عنها كل خبيث وأناني وفاشل وممثل، هي أطيب منهم كلهم وهم اللي وقعوها فكل مشاكلها، أنت بمن حولك، لو اللي حواليك فشله غصب عنك لازم تبقى زيهم وتعافر علشان تقدر تمارس اللي كنت بتعمله في عدم وجودهم بمنتهى السهولة، أنا كلت عيش وملح في بيتها وفي بيت أمها وأخوها وكان لازم أقول الكلام ده علشان الكلام ده هو الكلام الحقيقي ولا كلمة من اللي اتقالت واتسمعت ليها أساس من الصحة، أهل شيرين هم هم أهل شيرين من زمان أوي، بالعقل".

وقام حسام حبيب بالرد على منشور تامر عاشور، قائلا: "سمعنا ناس غريبة بتدخل في أمور مش أمورها خالص، ومنهم ناس أشباه فنانين، مفيش فنان بيدي حق لنفسه يدخل في حياة غيره، لأن الفنانين بيبقى عندهم إحساس، وتصريحات شيرين خلت شكلهم مش ظريف خالص".

لكن تراجع حسام حبيب عن تصريحات واعتذار للفنان تامر عاشور، من خلال منشور له على حسابه الشخصي بموقع التواصل الاجتماعي تبادل الصور والفيديوهات الانستجرام، قائلا: "على فكرة يا جماعة أنا بهزر، هو فنان محترم وليه جمهور كبير وبيقدم فن راقي وأنا بعتذر له لو كان الهزار تقل، أنا بس كنت بنكشه لأنه تقلها عليا شويتين، هو زميل ومحترم وبيقدم فن محترم، أنا بحب اللي هو بيقدمه وهو اجتهد ولكل مجتهد نصيب، معلش حقك على يا نجم".