شهدت الساعات الماضية حالة من التوتر بين المطرب رامي صبري و مطرب المهرجانات ويجز، بسبب التصريحات الأخيرة لـ صبري بأنه لا يفهم كلمات أغاني مطربي الراب وعلى رأسهم ويجز.

وهاجم ويجز، عبر خاصية «الإستوري»، على موقع تبادل الصور والفيديوهات الشهير «إنستجرام» رامي صبري قائلًا: «هتكلم على فنان فاكر أن عنده صلاحيات أنه يتكلم علي أي حد ومفكر الناس المفروض تسمع وتسكت».

وأضاف: «الفنان دا اسمه رامي، كل 5 أو 6 شهور لما يزهق يطلع على التليفزيون يتكلم على بتوع الراب، طيب هتتكلم أمتى على البوب اللي أنت منهم؟ هتتكلم على فنك ومجالك أمتى؟، أنا شايف أنك مابتفهمش في الراب حاجة ولا بتفهم الكلام بتاعه زي ما أنت قولت قبل كدا فمش هتعرف تعمله».

واستكمل :«أنا مثلا لو لقيت واحد بيعرف يسوق عجلة وأنا مبعرفش بحترمه عشان هو عمل حاجة غير اللى أنا عملتها، هو أكيد اشتغل على نفسه في حاجة أنا ماشتغلتش على نفسي فيها، أنت مابتقدرش الفنانين أنت شايفهم بيحاولوا يوصلوا للمستوى اللي أنت فيه مع إنهم معدينك بكتير أنت مش رقم 2 يا رامي أنت رقم 19 مثلًا، أنت بعيد أوي يعني».

ويذكر أن المطرب رامي صبري  تحدث في وقت سابق عن  ويجز خلال لقائه مع الإعلامية أسما إبراهيم في برنامج «حبر سري» على قناة «القاهرة والناس»، قائلًا، إن قائمة أهم 5 نجوم في مصر هما عمرو دياب وتامر حسني وحماقي ورامي صبري فقط.

وأشار إلى أنه يحب سماع ويجز ومروان  بابلو، مشيرًا إلى أنه لا يعلم سر خلاف ويجز معه ولكنه يحب أغانيه رغم أنه لا يفهم كلماتها.

وأضاف صبري: «أنا مكنتش بفهم كلامه فعلاً، لكن ويجز موهوب جدًا، وأنا لست ضد نجاحه، أي شخص ضد النجاح فهو مريض نفسي».