أعلنت الإعلامية سالي عبد السلام عن فقدان توأمها  قبل ولادتهما، في رسالة مؤثرة للأشخاص ظلموها في حياتها عبر حسابها الشخصي على موقع التواصل الاجتماعي فيسبوك.

وكتبت سالي عبد السلام منشور على حسابها الشخصي الفيسبوك:"قدر الله وما شاء فعل من كام يوم وده بعد سنتين انتظار التوأم اللي كان نفسى فيهم أوى يا رب سنتين صبر وانت مفيش قدامك غير الصبر زي أي رزق والحمدلله أن اختباري كان في الصبر وبس مش أكتر وكنت طالباها تيجي من عند ربنا خالص ومن غير تدخل دكاترة الحمدلله على نعمة الأخذ بعد العطاء يا رب، فقدت أغلى ما ليا واللي كان هيكون ليا الحمدلله.. قدرى الحمد لله، أنا بكتب الكلام ده عشان يمكن حد يتعلم!!!".

تابعت:"كل حد قالي وقال عليا مش عايزة تخلف عشان خايفة على جسمها وشغلها.. وكانت أوحش حاجة سمعتها في حياتي و هم لا يعلمون شيئًا عشان كل حد بيضغط على اللي قدامه وفاكر انه حقه وده لا يحق له عشان المفروض انه قريب أو معتبر نفسه كدة ومش من أهله أصلاً ولا يحق له و يحسسهم إن وراهم تارجت يا إما هيكون منبوذ منهم وهنسود عيشتك بسؤالنا كل شهر و نضغط عليك مع انهم مش هيشيلوا أصلا ومحدش هيشيل غيرك وهم لا يعلمون شيئًا".

وأضافت سالي عبد السلام:"اوعى تقولى انك حامل وخافى من العين وأى كلام فى الموضوع ده بالذات، مقولتش وبرضه محصلش ومع احترامى ليهم العرسة بتخلف ده مش إنجاز، وهم لا يعلمون شيئاً، عشان كل ست أوعى تبقى ب 100 ست و تشيلى مسؤولية كل حاجة لوحدك "لوحدك".. الست الجدعة بجد مبتاخدش حاجة.. الست الجدعة محدش بيساعدها وكله بيرمى عليها وكمان لما منعرفش نبقى زيها نعطلها أو نقلل منها، وبمعنى أصح نبقى سبب فى سقوط كل حاجة فيها مش أطفالها بس ! يا ريتنى قولت مبعرفش أو مش هقدر عشان ما اوصلش لكدة! وهم لا يعلمون شيئاً".

واختتمت حديثها: "كلنا تعبنا وبنتعب ومحدش بيحس ومحدش طلب منك تحس، بس الرحمة ... الرحمة، كل اللى كتبت عنهم بينى و بينكم الله،إنا لله وإنا إليه راجعون.. ادعولى كتير.. راضية والحمدلله، بس بنهار وأنا بصلى ومش بطلب غير الثبات من ربنا، بس ليا بيتين فى الجنة.. اخترت الآخرة والأبقى يا الله".