اعتذرت الفنانة منة عرفة، للدكتور أشرف زكي، نقيب المهن التمثيلية، والفنانة إلهام شاهين، ذلك بعد تصريحاتها التي عبرت فيها عن عدم تقديم مشاهد جريئة على الشاشة.

وكتبت منة عرفة منشور على حسابها الشخصي بموقع التواصل الاجتماعى تبادل الصور والفيديوهات الانستجرام، قائلة: "نقيبي وأستاذي و معلمي والأب الروحي ليا و لينا كلنا، بعتذر لك عن أي حاجة ضيقتك مني في يوم من الأيام أو أي حاجة صدرت مني بدون قصد تجاه حضرتك كلنا أولادك وبنتعلم من حضرتك وأنا أولهم وآسفة لحضرتك علي أي لحظة حضرتك اضايقت فيها وكنت أنا السبب حتي لو كانت مش مقصودة ولا عمري أقصد، وكل سنة وحضرتك طيب وبخير بمناسبة الأيام المفترجة اللي إحنا فيها، انا بحبك جداً وحضرتك عارف غلاوتك عندي قد ايه مقدرش علي زعلك أبداً، مليش غيرك يا دكتور أنت أبونا كلنا".

وقدمت منة عرفة أيضا الاعتذار إلي الفنانة إلهام شاهين:"أستاذتنا ونجمتنا الكبيرة وقدوتنا اللي دايمًا بنفتخر بيها، دايمًا بكون مبسوطة و فرحانة بحضرتك لما بشوفك في أي احتفالية أو مهرجان أو تكريم لأنك بجد تستاهلي كل التقدير والاحترام والمحبة، أنا عايزة استغل الأيام الجميلة المفترجة اللي احنا فيها دلوقتي، وأقولك كل سنة وحضرتك طيبة جميلة وقلبك طيب وجميل وأبيض زي ما اتعودنا عليه و ناجحة وبخير دايماً يا رب، وعايزة أقولك أنا أسفه عن أي حاجة صدرت مني تجاه حضرتك في يوم من الأيام أنا مكنتش أقصدها".

أضافت "أنا بحبك وبحترمك جدًا وبقدرك وبقدر فنك وإبداعك اللي كلنا كبرنا عليه واتعلمنا منه كتير، وآخر حاجة بتمنالك كل النجاح والتوفيق وكل الخير الي في الدنيا لإنك تستاهلي كل حاجة حلوه زيك".

الجدير بالذكر أن الفنانة منة عرفة، شاركت مؤخرا في فيلم "أسد ملون" الذي حقق إيرادات ضعيفة في دور العرض السينمائية، ويشارك في بطولته عدد من النجوم أبرزهم رنا رئيس، بيومي فؤاد، أحمد فتحي، محمد كيلاني، ميس حمدان، طاهر أبو ليلة، محمود حافظ، أحمد فتحي، إبرام سمير، ومن تأليف أحمد عبدالفتاح عثمان، وإنتاج أحمد سمير، وإخراج حسن البلاسي.