أثار الفنان وائل عبد العزيز شقيق الفنانة ياسمين عبد العزيز، الجدل على السوشيال ميديا، ذلك بعد إعلان وصيته لما بعد وفاته.

وقال وائل عبد العزيز، في منشور على حسابه الشخصي بموقع التواصل الاجتماعي «فيسبوك»: «أنا في أزمة نفسية بقالي سنين وإحساس عندي قوي مش هكمل كتير، وتعبت وعايز أرتاح خلاص ووصيتي هكتبها هنا، أنا مش عايز عزاء ومحدش ياخد عزائي تماما، ويا ريت دفنتي لا تعلن ولا حد يحضرها غير ابني وأخويا فقط ربنا يديهم طول العمر». 

وأضاف عبد العزيز: «وعايز أدّفن في مدافن أخوات أمي وأنا عارف ومتأكد أن كل الناس هتدعيلي بالرحمة، ومش طالب أكتر من كده وأنا مسامح كل الناس اللي حصل بيني وبينهم أي مشاكل من أي نوع إلا 5 أشخاص فقط.. وعند الله تجتمع الخصوم.. هو الحكم العدل». 

واختتم وائل عبد العزيز منشور:«وأخيرا ربنا يحسن خاتمتي يا رب.. أكيد فوق أحلى من الحقد والغل والجحود والحروب النفسية اللي عايشين فيها دي».