حرص الفنان سامح حسين على الرد على الهجوم الذي تعرض له بعد تصريحه عن قرار إلغاء الأجازات في العيد، الذي ذكره خلال احتفالية عيد الفطر المبارك التي أُقيمت أمس الإثنين بمركز المنارة للمؤتمرات الدولية، بحضور الرئيس عبد الفتاح السيسي.

ونشر سامح حسين عبر حسابه على موقع التواصل الاجتماعي "فيسبوك" منشورًا قال فيه: "جمهوري الحبيب.. كل سنة وأنتم طيبين وبخير.. بناء على طلبكم.. والناس اللي طلبت تفسير لموضوع إني بطالب بإلغاء الأجازات في الأعياد.. الكلام ده طبعًا غير حقيقي بالمرة.. أنا زيكم بحب الأجازة وبحب زيكم اشتغل بإخلاص زي كل واحد في مجاله.. الأجازة دي نعمة من ربنا نشحن من خلالها قوتنا لمواصلة مشوار الحياة".

وتابع سامح حسين في منشوره: "كل الموضوع إني اتمنيت إن أعياد مصر وأفراحها تزيد وتكتر، وساعتها مش لازم ناخد الأعياد الجديدة دي كلها أجازة.. لكني لم أقصد أبدًا إلغاء الأجازات الرسمية. وعلي فكرة إحنا بنحب الأجازة علشان بنشتغل.. أي حد جرب قلة الشغل مش هيحب الأجازة.. الشغل نعمة، ربنا يديمها علينا ويعين كل واحد على حاله ويكرمنا جميعًا ويرزقنا الخير.. يارب حياتكم تكون كلها أعياد وفرحة".

رد ياسمين الخطيب على سامح حسين

وانتقدت الإعلامية ياسمين الخطيب، الفنان سامح حسين، بعد تصريحه عن إجازات الأعياد، عبر حسابها على موقع التواصل الاجتماعي "فيسبوك"، قائلة: "يا أستاذ سامح.. حضرتك ماعندكش شغل تروحه كل يوم، والتصوير بتروحه بعربية مكيفة، أغلب المصريين بيشتغلوا ٩ ساعات يومياً، ده غير ساعتين تلاتة بيضيعوا في المواصلات (أتوبيسات وميكروباصات وتكاتك).. فلما تتكلم عن تقليص الأجازات، ماتتكلمش بلسانهم، ماتبقشش من جيب غيرك!".

تصريح سامح حسين عن أجازات العيد

وفي فقرة استئنائية من برنامج "قطايف" أمام الرئيس، في احتفالية عيد القطر، أشار سامح حسين، إلى انبهار الشعب المصري من قدرته على الضحك في أصعب المواقف، قائلاً: «ربنا خلقنا كده بنحب الضحك والفرحة.. والعيد فرحة، ويا رب يكتر أفراحنا».

وتابع: «بس مش ضروري نأخذ كل الأعياد دي إجازات وورانا شغل كتير أوي».