أعلن الفنان أحمد عبد الحميد، خضوع ابنته ليلي، إلي عملية جديدة فى المخ، وطالب من الجمهور الدعاء لها.

كتب أحمد عبد الحميد منشور على حسابه الشخصي بموقع التواصل الاجتماعى تبادل الصور والفيديوهات الانستجرام:"ليلي بنتي، داخلة تعمل عملية فى المخ، ادعوا لها وادعولنا، اللهم إني لا اسالك رد القضاء، ولكني أسالك اللطف فيه".

فى سياق ذاته، كتب عبد الحميد عبر حسابه بموقع الفيسبوك، مؤخرا، عن حالة الصحية لـ ابنته، قائلا:"ليلى النهاردة تمت شهرين، شهرين من غير ما احضنها حضن واحد، من غير ذكريات كتير كنت فاكر إني هبنيها معاها مشفتش منها غير وجع قلب بس، مبقتش برد على حد يقولى بنتك عاملة إيه من كثر الإحباط ومن كتر ما بقول إنها مش كويسة ومفيش جديد، شهرين وأهم دكاترة في مصر مش عارفين يشخصوا حالتها عالأقل، وده مش تقصير منهم لكن إرادة إنها حالتها تكون جديدة ومحيرة كده، طرقت كل الأبواب مع ربنا والله وعلى قد ما قدر مقصرتش وهفضل أسعى مع ربنا لعله يجبر بخاطري أنا وأمها".

وتابع أحمد عبد الحميد: والنبي يا جماعة افضلوا ادعوا لها كل ما تقدروا وبطلوا تسألوني عليها، أفضلوا ادعوا لها وهي أول ما هتكون كويسة أو في أمل أنها تبقى كويسة أنا مش هتردد ثانية إني أفرح بـ ده وأقول للدنيا كلها بنتي خفت وجت في حضني، وإن شاء الله يتقبل دعواتكم ودعواتنا.