روج الفنان والمؤلف كريم سرور لفيلمه الجديد "فى عز الضهر" المقرر طرحه في 18 يونيو الجاري بجميع دور السينما في مصر والوطن العربى، حيث يعد أول فيلم عالمي.

كتب كريم سرور منشور على حسابها الشخصي بموقع التواصل الاجتماعى الفيسبوك:"هذا الفيلم به فكرة حاولنا على قد ما نقدر نقدمها بأفضل صورة، فكرة تناسب عقلية أى بنى آدم عايش على الكوكب ده ،مش المصريين أو العرب بس، فأتمنى الفكرة توصلكم وتحبوها زى ما حبينا نحترم عقلية المشاهد ونقدم سينما جديدة ومختلفة".

وأضاف كريم سرور: "مش بقول كده لأنه فيلمى بس بقول كده لإنى تمنيت طول عمرى أتفرج على فيلم مصرى يخاطب الإنسان فى المطلق مش يخاطب الفرد بعينه، وفى نفس الوقت ميكونش مستقل ومتفرد بعناصر وطريقة سرد مستقلة، لأ يبقى فيلم تجارى عادى هدفه التسلية والإمتاع ونضيف عليه الإشباع، التسلية من الدراما، والإمتاع البصرى فى الأكشن والديكورات ومواقع التصوير حول العالم والإشباع من الفكرة".

وتابع:"‎الحمد لله أخيرًا ورسميًا المارد خرج من القمقم بعد خمس سنين ونتمنى بجد نكون عند حسن ظنكم ونبقى قدمنا حالة جديدة ومختلفة عن السائد مع كامل احترامى ومحبتى وإعجابى بكل ما يقدم فى السينما فى كل أنواع الأفلام المقدمة للمشاهد العربى".

ووجه كريم سرور:"مشكور كل مجهودات كل القائمين فى الصناعة على تقديم محتوى غنى ورؤى خاصة تتناسب مع كل فئات الجمهور، بس إحنا حابين نقولكم جايبين فيلم مختلف، وبقول تانى يارب يعجبكم وتحبوا النوع ده وتطلبوا منه تانى".

يدور الفيلم في إطار من الحركة والتشويق، حيث يتناول قصة صعود زعيم عصابة دولية ينفذ عمليات احتيال كبرى في مختلف أنحاء العالم، ليجد نفسه في مواجهة تحديات غير متوقعة، ويقوم ببطولة الفيلم كل من مينا مسعود وجميلة عوض وإيمان العاصي وشيرين رضا وبيومي فؤاد ومحمود البزاوي" والفيلم من تأليف كريم سرور