كشف الفنان تامر حسنى عن رأيه فى دخول ابنته تاليا مجال الفن. وقال تامر حسنى عبر تصريحات تليفزيونية له: تاليا بتقوللى دايماً بس أنا بفهِّمها إنه مش عشان أنا بابا، أنا ممكن أعمل ده لو عندك موهبة حقيقية ونفسك بجد، ممكن أساعدك تدورى على أحلامك. وأضاف تامر حسني: لو هنتكلم على قلبى أنا مش نفسى تدخل الفن، المجال صعب أوى بطريقة مش عادية، منتقدينه جارحين أوى، عايزة حد مرن يتلقى الصدمات والتعليقات الصادمة. وختم حسنى حديثه قائلاً: قلب البنات بيبقى رقيق، ممكن تسمع كلمة تجرحها وتؤثر فى نفسيتها تأثير كبير، حرام وهى طفلة، أتمنى من جوا قلبى يبقوا فى الرياضة ويحققوا بطولات زى ما بيعملوا، لكن معذورين شايفين باباهم تامر ومامتهم بسمة، غصب عنهم هيحبوا الفن.