كشفت الإعلامية أسما شريف منير عن تفاصيل زواجها الأخير، مؤكدة أنها اختارت أن يكون حفل الزفاف بسيطًا وعفويًا بعيدًا عن المظاهر المبالغ فيها.

شاركت أسما شريف منير عبر حسابها على موقع التواصل الاجتماعي "إنستجرام"، لقطات من الزواج، وكتبت: "وكمان من الحاجات اللي اتعلمتها إني ما عودش أفكر في المستقبل، ما عودش أفكر في إزاي أوضب حاجة وأعمل فرح كبير مبهرج وفي حاجات كتيرة قوي بالزيادة، ولا حتى كنت عايزة أعمل أي حاجة من الحاجات دي بشكل شغل، إني مثلاً أعمل كولابوريشن أو حاجات،  كنت عايزة إن أعمل حاجة أقدر عليها وتبقى في استطاعتي، وتبقى مبهجة وإنتيمت، وفيها الناس القرايبين مني قوي وأهلي. وحبيت إن أعمله في بيتنا، وحبيت إن الفرحه تبقى دي أول حاجة موجودة في البيت".

 

 

 

 

View this post on Instagram

 

 

 

 

 

 

 

 

 

 

 

A post shared by 𝘼𝙨𝙢𝙖 c𝙝𝙚𝙧𝙞𝙛 𝙢𝙤𝙣𝙚𝙚𝙧 - اسما شريف منير (@asma.sherif.moneer)

وتابعت: "حبيت إن أعمل ديكور بسيط، حبيت إن ألبس حاجة بسيطة، حبيت إن الصور تبقى متصورة من الموبايل عادي، صحابنا اللي مصورنا، إحنا اللي عملنا الديكور بتاع المكان بإدينا، وإحنا اللي عاملين كل حاجة في البيت بإدينا، فالإحساس ده حسسني إن كل حاجة إحنا بنعملها فا في تفصيلة بتفكرنا بحاجة، وكل تنشنة وكل خناقة وكل حاجة في الدنيا كانت في الآخر وصلتنا للحاجة الحلوة اللي حصلت النهاردة".

كما أعربت عن امتنانها لكل من شاركها هذه اللحظة: "أنا ممتنة جداً لكل الناس اللي كانت معايا وحواليا وساعدتني، وعايزة أقول إن أنا مبسوطة برضو بإني مجرد إني أعلنت إن أنا هتجوز، حسيت قد إيه إن فيه ناس كتير كانت بتابعني من زمان وعارفة إن أنا بتكلم من قلبي. فالناس دي بعتت لي فرحانين من قلبهم ليا كأني أختهم أو صاحبتهم، وده بيأثر فيا جداً لأني بحس إن الناس اللي بيطلع من قلبي بيوصل لهم".

‎وأشارت إلى أنها أرادت أن تصل رسالة للبنات المقبلات على الزواج: "والكابشن دي عشان كنت عايزة إنه بنات كتير تفكر وهي بتتجوز ما تفكرش في الماديات وفي الفستان يبقى منين وفرحي فين وقد إيه هو كبير أو مبهرج، على قد ما تفكر هي بتختار مين ومعاها إيه. ويمكن الاختيار ده جالي بعد تجارب صعبة عدت فيها، وأتمنى إن يبقى حسن الاختيار وبحبكوا قوي".

واختتمت أسما منشورها برسالة محبة لمتابعيها، مؤكدة تأثير دعمهم ومشاعرهم الصادقة: "وأنا مبسوطة برضو بإني مجرد إني أعلنت إن أنا هتجوز. حسيت قد إيه إن فيه ناس كتير كانت بتابعني من زمان وعارفة إن أنا بتكلم من قلبي. فالناس دي بعتت لي فرحانين من قلبهم ليا كأني أختهم أو صاحبتهم، وده بيأثر فيا جداً..."