شارك الفنان شريف منير جمهوره بمقطع فيديو على حسابه الشخصي بموقع التواصل الاجتماعي الفيسبوك، وجه رسالة مليئة بالمشاعر لزوج ابنته، أسما شريف منير، بمناسبة زواجهما المفاجئ.

قال شريف منير، فى الفيديو:"أسما تعبت وكافحت ووقفت جنبي في مراحل كتير من حياتي.. أنا باعتبرها أم ليا، هي اللي بترشدني وتظبط لي حياتي".

ووجه منير رسالة مباشرة إلى زوجها أحمد، قال فيها:"نفسي أحمد ياخد باله منها ويكون حنين عليها ومحتويها، مش طالب منه حاجة غير كده. في يوم من الأيام أنا ممكن أمشي.. وعايز أبقى مطمن عليها".

واختتم الفيديو بتعليق:"ألف مبروك يا حبيبتي.. ربنا يهنيكي ويسعدك".

تزامنت هذه الرسالة مع إعلان أسما شريف منير عن زواجها بشكل مفاجئ عبر حسابها على "إنستجرام"، حيث نشرت منشور أعربت فيه عن سعادتها باتخاذ هذا القرار، بعد فترة وصفتها بأنها كانت مليئة بالتحديات والنضج النفسي.

وكتبت أسما:"أنا الحمد لله اتجوزت.. القرار ده جه بعد رحلة طويلة قضيتها مع نفسي، تعلمت فيها حاجات كتير وخدت قرارات كبيرة، فهمت أنا مين وعايزة إيه، إيه المهم في الجواز وإيه اللي مش مهم، وإيه اللي يستا

هل المجهود".