وجهت الإعلامية أسما شريف منير رسالة شديدة اللهجة لجمهورها، ذلك بعد الهجوم الكبير التي تعرضت له بسبب زوجها الثالث.

وكتبت اسما شريف منير منشور على حسابها الشخصي بموقع التواصل الاجتماعي تبادل الصور والفيديوهات الانستجرام:"لكل شخص شتمني أو نقر عليا أو أساء الظن بيا، أنا مش بزعل ومش باخدها على قلبي، مش لأني ما بحسش، لكن لأني تعلمت إن القلوب اللي فيها نور بتعفو وبتعدي، لأن ربنا قال: "والكاظمين الغيظ والعافين عن الناس والله يحب المحسنين".

وأضافت: "أنا اخترت أكون من الناس اللي ربنا يحبها، مش هرد إساءة بإساءة ولا كلمة بكلمة، لأن ربنا أمرنا نكون أرقى حتى قدام الظلم، وقال: "ولا تستوي الحسنة ولا السيئة، ادفع بالتي هي أحسن".

تابعت: "اللي بيظن السوء، ربنا قال عنه: "يا أيها الذين آمنوا اجتنبوا كثيرًا من الظن إن بعض الظن إثم"، وأنا مسامحة من قلبي، مش ضعف، لكن قوة.. إني ما أخليش الحقد والزعل يسكنوا في صدري، وسايبة كل حاجة لربنا، لأنه قال: "فمن عفا وأصلح فأجره على الله".

وختمت أسما شريف منير رسالتها:"أنا عندي رسالة أمل، وبدعي من قلبي إن ربنا يكرم كل ست ويشجعها تبدأ من جديد من غير ما تخاف، لأن الناس دايمًا بتصطاد الأخطاء، ربنا هو اللي بيختار ويعوض، مش الناس".