كشفت الفنانة رشا سامي العدل، عن موقف مؤثرا، جمعها بـ المخرج الراحل سامح عبد العزيز، الذي رحل عن عالمنا فى صباح اليوم، أثر تعرضه لوعكة صحية مفاجئة.

كتبت رشا سامي العدل، منشور على حسابه الشخصي بموقع التواصل الاجتماعى الفيسبوك:"وجعت قلبي وقهرتني علي الصبح أكتر ما هو موجوع في ذكرى وفاة بابا مشيت ورحلت عننا، أنا عمري ما طلعت الكلام ده، ولا قلته أو وريته لحد بس حقك عليا، دلوقتي أقول وربنا يشهد على كلامي إنك من أجدع الأصدقاء ومن أوفاهم، أنا منزلة موقفين من ضمن مواقف كتير معايا أنا شخصيا بس بعضهم شخصي بزيادة فأمتنع عن نشرهم طبعا لما بابا تعب سامح كان رغم شغله وانشغاله في موسم رمضان متابع معايا لحظة بلحظة تليفونات طبعا ورسايل ماسنجر وهو مشغول، وطبعا زيارات رغم إن ماكنش بيتسمح بزيارات قوي يعني بس ده مامنعش إنه يجرب وييجي وماسابنيش طول فترة تعب بابا".

وتابعت رشا سامي العدل: بعدها كان يحرص أن يطمئن عليَّ من حينٍ لآخر، ويسأل إذا كنت أحتاج شيئًا أو ينقصني شيء، عندما فتحت مشروعًا صغيرًا على قدي وقررت أن أعمل أكل وأبيعه، كان أول من أراد وبإصرار أن يشاركني ونفتح مطعمًا في القاهرة وكل فترة كان يتصل بي قائلًا: "هاه، يلا بقى"، وأرد عليه: "لسه شوية على الخطوة دي يا موحا، وأنا نفسيًا مش قادرة أنزل القاهرة دلوقتي". يسكت أسبوعًا أو اثنين، ويرجع ويتصل بي: "يا بنتي فكري بقى، تعبتيني".

وأضافت:"أقول له: "ما إحنا لسه متكلمين"، فيرد: "ولسه برضه بتعندي"، ويحاول يقنعني: "طيب يا رشا، أنتِ بالمجهود وأنا برأس المال" أقول له: "مش ده اللي معطلني" يسبني شوية ثم يتصل من جديد ليشجعني على الخطوة، وهكذا،صاحبي صديقي وأخويا الجدع ماكانش حد عارف إن سامح أصلا صديقي من زمان بعيدا عن بابا والعيلة والوسط الفني ومن قبلهم وله مكانة خاصة في قلبي لأن بابا كان بيحبه قوي وهو كمان كان بيعشقه".

اختتمت رشا سامي العدل حديثها:" أديك روحت له يا موحة وسيبتونى هنا لوحدى بس أنا مش هاسيبكم وهافضل فاكراكم وأدعيلكم ووعد مش هانساك ولا هاقطع دعواتي ليك يا غالي مع السلامة يا صديقي الجدع الطيب الله يرحمك ويغفر لك ويسكنك الفردوس الأعلى من غير حساب ولا سابق عذاب.. وداعا سامح عبد العزيز".