1 سبتمبر.. الحكم في دعوى نقل ملكية أسهم أحمد الدجوي بدار التربية داخل جامعة MSA
قررت المحكمة المختصة اليوم، تأجيل الحكم في دعوى نقل ملكية أسهم أحمد الدجوي في شركة دار التربية داخل جامعة MSA لجلسة 1 سبتمبر للتصحيح.
وفي وقت سابق، كشفت نوال أحمد الدجوي ابنة احمد الدجوي تفاصيل جديدة مثيرة للجدل بعدما امتنعت نوال الدجوي رئيسة جامعة أكتوبر للعلوم الحديثة والفنون (MSA) عن زيارتها أو السؤال عن أنجال حفيدها أحمد الدجوي حتى بعد وفاته حسب زعمها.
وقالت ابنة أحمد الدجوي خلال حسابها على موقع التواصل الاجتماعي إنستجرام: محامي جدتي اتهم أبويا وعمي إنهم خدوا فلوسها من البيت، واتقال عليهم إنهم سرقوها! والناس كلها والصحافة والميديا اتكلمت وقتها على الموضوع ده، والتهمة دي وجعت قلب أبويا جدًا، الله يرحمه.
وأضافت: النيابة حققت وبعد أكتر من 25 يوما، طلعت النتيجة: أبويا وعمي أبرياء وماخدوش ولا مليم أنا كبنته من حقي أعرف مين اللي فعلًا سرق الفلوس؟ ومين اللي ظلم أبويا واتهمه كذب؟ ومن حقي كمان أعرف ليه جدتي ما بتشفناش ولا بتسأل علينا ولا حتى تكلمنا؟ ليه فجأة نسيت ولاد حفيدها احمد الدجوي؟ ليه نسيت نوال الدجوي الصغيره اللي شايله اسمها؟ في حاجة غلط دي مش طبيعة ماما نوال اللي أنا أعرفها وعشت معاها وأنا صغيرة وليه محاميها تنازل عن المحضر؟! التنازل ده كان لمصلحة مين؟.
وأوضحت ابنة أحمد الدجوي: هي دلوقتي الفلوس اللي اتسرقت منها خلاص مش فارقة معاها؟ طب كانت اتهمت أبويا ليه؟ طب وكرامة أبويا اللي اتشوهت قدام الناس؟ ما حدش فكر يردّ له اعتباره زي ما اتهموه؟ فيه حاجة مش مفهومة بس أنا مش هسكت هفضل ورا الموضوع ده لحد ما أرجّع حق أبويا، وأكشف الحقيقة كاملة ولو مرجّعتش حقه ما أستحقش أشيل اسمه.