خرجت الفنانة بسنت شوقى عن صمتها، لتنفى حقيقة الشائعات المنتشرة خلال الأيام القليلة الماضية، وذلك حول حملها وانتظارها هى وزوجها الفنان محمد فراج أول أبنائهما.

ونشرت الفنانة بسنت شوقى مقطع فيديو عبر حسابها الرسمى بموقع تبادل الصور والفيديوهات الشهير إنستجرام، وعلقت على هذه الشائعات قائلة:" أنا مش برد على الإشاعات خالص، بس لقيت الموضوع بيكبر أوي أوي، وأنا لغاية النهاردة جالي أكتر من 5 آلاف رسالة، سواء شخصية أو من الشغل بيباركوا لي وكده.

وأضافت بسنت شوقى" وأنا حسيت إني لازم أطلع وأقول، أنا مش حامل وكل اللي حصل إني نزلت أنا ومحمد Story، إن فيه مفاجأة، والمشكلة إن محمد كان لازم بينك وأنا بقى لي فترة قاعدة بقول أنا مش قادرة أستغنى عن البينك، فالناس توقعت إني حامل في بنت”.

وتابعت "شوقى": بس والله العظيم أنا مش حامل، ولو أنا حامل، مش حاسة إن لا أنا ولا محمد هنقولها بالطريقة دي، وبعدين ليه بكرة حامل؟ ما أنا حامل النهارده، مش احنا".

وأردفت "شوقى" قائلة: "كان نفسي أقول لكم إن المفاجأة إني حامل فعلًا بس ما حصلش!".

واستكملت بسنت شوقى حديثها قائلة:" المفاجأة كانت الفيديو كليب "مستنيك" لحسين الجسمي، عشان أنا ومحمد عمرنا ما عملنا حاجة زي كده قبل كده، لإن الفيديو كليب بفكرته وإخراجه وكل حاجة، لأن هشام جمال عمل حاجة مختلفة جدًّا عشان كدة احنا فضلنا نقول مفاجأة كبيرة".

وأشارت بسنت شوقى فى ختام حديثها قائلة: عايزة أقول بس شكرًا جدًّا على كل المشاعر الجميلة، والدعاء اللي جالنا إن ربنا يرزقنا الذرية الصالحة يارب في يوم من ما ربنا يريد، وبجد أنا حاسة بكل الحب، بس لسه ربنا ما أرادش، وبعدين يا جماعة أنا خاسة أصلا!.