في ظهور مفاجئ أسعد الجمهور، طمأن الفنان تامر عاشور محبيه على حالته الصحية، بعد خضوعه مؤخرًا لعملية الرباط الصليبي، وذلك خلال مشاركته في حفل الفنانة أنغام ضمن فعاليات مهرجان العلمين الجديدة 2025.

وصعد تامر عاشور على المسرح وسط تصفيق حار من الحضور، وقال: "أهلًا أهلًا، مش عارف أقول إيه.. أنا مبسوط جدًا، وزي الفل والحمد لله على سلامتك أنتي كمان."

وكانت أنغام قد أعلنت للجمهور عن المفاجأة قائلة: "معايا النهاردة فنان مصر كلها بتحبه.. نادر لما تلاقي فنان بيغني حلو ويختار كلام وألحان تليق بصوته، وكمان بيكون ملحن موهوب.. ده تامر عاشور اللي لحن لي "كان برئ" و"يا ريتك فاهمني" و"لوحة باهتة"".

وأنهت أنغام تقديمها له بقولها: "النهاردة مشرفني ومنورني، وهيغني معايا"، ليتحول الحفل إلى ليلة استثنائية جمعت بين طرب أنغام وإحساس عاشور في أول ظهور جماهيري له بعد العملية.

حفل أنغام في مهرجان العلمين

أحيت الفنانة أنغام أولى حفلاتها بعد أزمتها الصحية، وذلك ضمن فعاليات الدورة الثالثة من مهرجان العلمين الجديدة، وسط حضور جماهيري كبير وتفاعل لافت.

ووجهت أنغام رسالة مؤثرة لجمهورها خلال الحفل، قائلة: "أنا فرحانة ومبسوطة بشكل تاني، لأن الواحد لما بيعدي بأزمات، ساعات الشغل والناس اللي بتحبه والأيام الحلوة اللي ربنا بيبعتها بتكون حاجة تانية.. وجودكم النهاردة حاجة كبيرة في حياتي، أنتوا بتدوني قوة وصحة وأمل.. بتوهبولي الحياة".

وتفاعل الجمهور بحب شديد، مرددين: "بنحبك يا فنانة"، لترد أنغام ضاحكة: "قولولي يا أنغام، والله أنا اللي بحبكم أوي.. أنتوا الفرحة اللي فيا".

وشهد الحفل مفاجأة خاصة بمشاركة الفنان تامر عاشور، الذي قدمته أنغام للجمهور قائلة: "مشرفني ومنورني.. وهيغني معايا الفنان تامر عاشور".