انتقد أحمد نبيل كوكا لاعب الأهلي، تصوير جنازة والد محمد الشناوي، زميله في الفريق.

وكتب اللاعب عبر ستوري انستجرام: "ياخى بالله عليكم بطلوا تصورو حد في عزا كفايا بقا ده مش شغل متقولش بعمل شغلي، هل انت تكون راضى ولدك ولا ولدتك متوفيين وتشوف قدامك ٥٠ واحد بيصوروك وانت في موقف زي ده؟ دی حاجة صح يعني أو ده شغل يا أخي اعتبر مفيش عزا مفيش حد مات ومتروحش، حط نفسك مكان اللي في الموقف الصعب ده."

وأضاف: "هل اليوم ده لو مصورتش هيحصلك حاجة، المناظر وكميات التليفونات والتصوير في المواقف دي بقت مرعبة والله، طب فكر كده لو انت ربنا يديك الصحة ربنا افتكرك هتحب الناس تصور فى العزا بتاعك ولا يقفوا يدعولك، في حاجات محتاجة تفكر فيها وتخلى عندك دم وميبقاش كل هدفك الريتش والتريند مش هينفعوك بحاجة".