أحيت الفنانة ليلي علوي، ذكري رحيل والدتها معبرة عن فقدنها لها فى حياتها الشخصية، مطالبة من الجمهور الدعاء لها.

كتبت ليلي علوي عبى حسابها الشخصي بموقع التواصل الاجتماعى الفيسبوك:"النهاردة الذكرى الثامنة لأمي، الله يرحمها ويعفو عنها، ويرحم ويعفو عن كل الأمهات والأموات جميعًا.. النهارده كأني عشت نفس اليوم اللي مرّ عليا في 25/8/2017، يمكن الشهر كله، العمر كله، شايفاها وحساها،كأني عايشة بضحك وببكي وبدعيلها، وحشتني أوي ومفتقداها أوي، والوجع على فراقها لسه زي ما هو".

وتابعت:بس اللي بيهون عليا شوية إني مطمئنة عليها، لأنها كانت إنسانة راقية ومؤمنة بالله وبتعمل خير كتير، وتعبت جدًا جدًا في تربيتنا، كانت أم صالحة بمعنى الكلمة، وشالت كتير وربّتنا بما يرضي الله،أحسن تربية في الأخلاق والمبادئ والدين، اتعلمت القرآن علشان تعلّمهولنا، بيتهيألي إنها في مكان كويس جدًا".

واختتمت ليلي علوي حديثها:" أرجو منكم تقروا لها الفاتحة وتدعوا لها، وتدعوا لكل الأمهات.. لأن الأم دي أسمى شيء في الوجود، وهي معنى الحياة الحقيقي. الله يرحمها ويعفو عنها وعنا جميعا".