أشاد الفنان محمد أنور بفيلم "ماما وبابا" هو بطولة الفنانة ياسمين رئيس، والفنان محمد عبد الرحمن "توتا"، الذي يعد أول بطولة سينمائية مطلقة له، مؤكدًا أن العمل يحمل رسالة مهمة للجمهور.

وقال أنور في تصريح خاص لـ بوابة دار الهلال:"الفيلم مش مجرد قصة عادية، بالعكس هو بيدوس على نقاط مهمة جدا في العلاقة بين الزوجين، فكرة إن كل واحد لازم يحس بتعب الثاني، يمكن الزوج يشوف إن مراته مش بتعمل حاجة، وهي كمان تشوف إنه مش بيتعب، لكن في النهاية كل طرف عنده معاناة وتحديات، والفيلم بينقل ده بشكل واقعي وكوميدي".

وأضاف:"محمد عبد الرحمن نجم من أول يوم، ويستحق البطولة عن جدارة، هو مش بس زميلي لكن كمان نجم كبير عنده موهبة مختلفة، وأنا فخور إنه بطل الفيلم".

وأكد أنور أن الأهم بالنسبة له ولزملائه هو تفاعل الجمهور:"الممثلين بيقدموا أفلام كتير على مدار السنة، لكن في النهاية اللي بيحكم هو الناس، أهم حاجة إن الفيلم يعجبهم ويحسوا إنه بيقدم لهم حاجة جديدة".