أشادت الفنانة عارفة عبد الرسول بفيلم "ضي" بعد حضورها العرض الخاص ومشاركتها به كضيفة شرف، مؤكدة أنها لم ترَ منذ فترة طويلة عمل مختلف بهذه النوعية، كما حرصت على توجيه رسالة دعاء للفنان محمد منير متمنية له الشفاء العاجل ليستمر في إمتاع الأجيال بصوته.

وكتبت عارفة عبد الرسول على حسابها الشخصي بموقع التواصل الاجتماعى الفيسبوك: دموعى نازله بغزاره ومش قادره أمنعها ماعرفش بقى دى دموع  شجن ولا ايه بالظبط، لسه راجعه من العرض الخاص لفيلم ضى..وبقالى زمن ماشوفتش سينما جميله بالشكل ده.

وأضافت عارفة عبدالرسول:أماكن تصوير من قلب القرى المصريه عمرى ماشوفت قلب اسوان ولا الأقصر بالشكل ده..وبغض النظر انى ضيفه شرف فى الفيلم بس كل ضيوف الشرف عتاولة واللى فاجئنى الفنان أحمد حلمى فى دور عسكرى المطافى اللى وشه اتشوه وهو بينقذ  أ طفال مرعب بجمال مش عادى وأعتقد الدور ده نقله كبيره للفنان.

وأردفت عن النجم محمد منير متمنيه له الشفاء العاجل:عارفين حته الكريز اللى فوق التورته  والكل عينه عليها، دى كانت الكينج  محمد منير اللى أول ماطل علينا وكل القلوب هفهفت من جمال طاقته وروحه وغناه اللى لسه اخضر، يرجع بـ ألف سلامه وعافيه ويشجينا كمان وكمان، أنا قلبى فرحان ومزأطت وباقول للمخرج أنت فعلا المخرج الاهم كريم الشناوي.

وشهد أمس، انطلاق العرض الخاص لـ فيلم ضي، بطولة محمد ممدوح تأليف هيثم دبور وإخراج كريم الشناوي، وحرص عدد كبير من النجوم على التواجد اليوم منهم أشرف عبد الباقي وابنته، هنا شيحة، يسرا اللوزي، أمير صلاح الدين، نورهان منصور، صبري فواز، كريم العدل، الطفل علي البيلي، صدقي صخر، جيهان خليل، رنا رئيس.