شاركت مريم منيب، ابنة الفنان الراحل عامر منيب، قصة إنسانية عن والدها، تظهر كرمه ومساعدته للآخرين، حين تدخل لمساعدة والدته في تغطية تكاليف علاجها بأحد الفنادق.

وقالت مريم منيب، في تصريحات تليفزيونية: "كنت في فرح بالعربية بتاعة بابا وركنتها في الجراج، وموظف أمن سألني هي دي عربية الفنان عامر منيب؟، قولتله أه، بدأ يعيط، وقالي من 15 سنة والدك كان بيغني في الفندق ولما نزل الناس كلها كانت بتتصور معاه وأنا كنت واقف على جنب، جه حط إيده على كتفي وسألني مالك؟".

وأكدت مريم أن والدها كان دائمًا كريمًا ويسعى لمساعدة الناس وإسعادهم، قائلة: "الموظف قال لـ بابا إن والدته تعبانة ومكنش معاه يكمل مصاريف العلاج، بعد ساعتين بابا رجعله ومعاه شنطة فلوس، ووالدته اتعالجت ولسه عايشة وقالي إنها عيطت على بابا لما توفى، بابا كان بيحب يساعد الناس ويجبر بخاطرهم".

وتابعت: "بابا كان دايما بيحب يساعد الناس وكريم ويحب يجبر خاطر الناس وفاكرة مرة كنا في الشارع وفي حد زعلان نزل له وسأله مالك.. الموقف دا عمري ما أنساه في حياتي".

كما كشفت مريم عن أمنيتها القديمة لتقديم دويتو غنائي مع والدها، قائلة: "طول عمري كنت بحلم أغني دويتو مع بابا لكن ما حصلش، ماما شجعتني إني أعمل الأغنية دي وأركب صوت وصورة بابا معايا فيها".