كشف الملحن إيهاب عبد الواحد عن قصة أغنية "سودا سودا"، موضحًا أن اللحن الذي استخدمه أحمد سعد في ألبوم "حبيبنا" عام 2025 كان من تأليفه قبل 25 عامًا، لكن جمعتهما الصدفة لتنفيذها رسميًا بعد كل هذه السنوات.

وخلال لقائه مع الإعلامية منى الشاذلي، قال إيهاب: «من سنين طويلة قابلت أحمد سعد في الاستوديو وسمعته لحن قالي حلو أوي واللحن ده بتاعي وهاخده، وأنا عندي مشكلة أني لو قلت لحد أن الأغنية بتاعته ولايقة عليه مبجيش جنبها تاني، وبالنسبة ليا أحمد خد الأغنية خلاص ونسيتها وتمر السنين 25 سنة».

وأضاف أحمد سعد: «مع مرور الوقت بدأنا ننجح ونقدم أعمال تحقق صدى كبير، ولما جاني إيهاب قال لي إنه عايز يعمل ألبوم زي ما كان نفسه زمان، فعرضت عليه اللحن القديم اللي كنت ناسي أنه أصله ليه، فقال لي: هو اللحن ده بتاعك؟ كنت هنزله باسم حد تاني».

وعلق أحمد سعد على الموقف: «ماكنتش عارف اللحن بتاع مين، وكلمت محمد محسن جابر أعمل إيه، فقال لي ننزله ولما يجي صاحبه يسأل نقول له إحنا آسفين وخد فلوسك وتنزله باسمه».