تحدث الفنان أحمد سعد بصراحة عن محطات صعبة في حياته وتجربته مع العلاج النفسي، كاشفًا عن لحظات التشتت والبحث عن الذات وسط الضغوط الاجتماعية والسعي وراء القبول.

وقال أحمد سعد خلال لقائه في برنامج "معكم" مع الإعلامية منى الشاذلي: «على المستوى الشخصي، كنت حابب جدا أروح لطبيب نفسي، عشان أكتشف شخصيتي، كنت مش مستمتع رغم إن عندي كل العوامل اللي المفروض تخليني سعيد، لكن كنت تايه ومش لاقي نفسي».

وأضاف: «مكنتش عارف أنا الشخص المتدين، ولا اللي مش متدين، دي طريقتي في اللبس ولا لأ؟.. كانت عندي تساؤلات كتير محتاجة إجابة، وكنت بعيش بشخصية مش بتاعتي عشان أرضي الناس».

 

 

 

 

View this post on Instagram

 

 

 

 

 

 

 

 

 

 

 

A post shared by ON E (@on.e)

وكشف عن أنه من خلال العلاج النفسي، اكتشف واحدا من أكبر عيوبه: «كنت دايما بحاول أرضي الناس على حساب نفسي، وده خلاني أفقد الاتصال بشخصيتي الحقيقية.. وكنت فاكر إن ده اللي هيخليني محبوب، لكنه خلاني تايه أكتر».

وتابع: «بسبب شغلي كان عندي حاجة اسمها حب الظهور.. كنت دايما بحب أكون في الصدارة، أهزر جامد وأكون الجوكر في أي قعدة، لكن ده دخلني في أزمة حقيقية، وخلاني مش قادر أشوف الحاجات الحلوة اللي عندي».

واستكمل: «كان في خلاف بيني وبين أهلي بسبب حبي للفن، وكنت وقتها عندي 14 سنة، واخترت إني أروح أغني في الأفراح وهربت من البيت، وكنت بخاف أتعب أو أفقد الوعي لأن محدش هيعرف أنا فين أو مالي».

وأضاف: «بقولها بوضوح مبنصحش حد يعمل كده أبدا، ولو الزمن رجع بيا مكنتش سبت البيت، والمتعة مش في النجاح ولا في الناس، المتعة الحقيقية إنك تكون ذاتك، تكون شخص مش مصطنع، وتعيش بصدق مع نفسك».