وجه الإعلامي الدكتور عمرو الليثي رسالة إنسانية مؤثرة خلال مقدمة حلقة جديدة من برنامجه "أبواب الخير"، داعيًا الناس إلى التأمل في النعم التي يعيشونها يوميًا دون أن يشعروا بها، مؤكدًا أن الشكوى المستمرة تُغلق أبواب الرضا، بينما الشكر يفتح أبواب الخير والطمأنينة.

قال الليثي في كلمته:"ربنا يرزقك ويعطيك صحة وأسرة وعافية، وييجي حد يسألك: عامل إيه؟ تقول له: عادي.. مفيش جديد.. روتين وحياة مملة، لكنك مش عارف إن روتينك ده في ناس بتحلم بس بنصه."

وأشار إلى أهمية الامتنان والشكر لله على نعمه، مستشهدًا بقوله تعالى:"وقليلٌ من عبادي الشكور."

وأضاف الليثي:"بص لأي مشكلة من مشاكلك، هتعرف إن ربنا ما كانش هيحطك فيها إلا لو كنت قدّها، وده تصديقًا لقوله تعالى: (لا يكلف الله نفسًا إلا وسعها)."

وتابع مؤكدًا:"ما تخليش كلامك كله شكوى وجحود، بدل ما امتحانك يتحول لاختبار صبر يمكن متكونش قدّه، وساعتها هتتمنى ترجع لحياتك اللي كنت شايفها عادية، وهي في الحقيقة نعمة كبيرة."

وعن صفات الإنسان الطيب، قال الليثي:"كل إنسان له طبع، لكن لو لقيت في حد طبع السهولة، اوعى تفرّط فيه. الإنسان السهل مفيش أجمل منه.. سهل يسامحك، سهل تتكلم معاه، وعتابه خفيف زي النسمة، وخصامه صمت، وفرحته مفرحة."

وختم حديثه بنصيحة مؤثرة:"خليك بسيط وسهل، متخوفش حد منك، ومتعملش حواجز بينك وبين اللي حواليك، وافتكر دايمًا إن اللي رزقه ربنا قلب لين، هو

الفائز الحقيقي في الدنيا."